မန်ချက်စတာစီးတီးအသင်းဟာ ပက်ဂွါဒီယိုလာရဲ့နေရာမှာ အစားထိုးဖို့ အန်ဇိုမာရက်စကာနဲ့ ညှိနှိုင်း ဆွေးနွေးနေပါတယ်။
ချယ်လ်ဆီးဘက်ကတော့ ပြီးခဲ့တဲ့ ဇန်နဝါရီလက မာရက်စကာ ရုတ်တရက် နုတ်ထွက်သွားရတာဟာ အသင်းကြောင့် မဟုတ်ဘဲ မန်စီးတီးဘက်က ကြိုတင်ချဉ်းကပ်ခဲ့တာကြောင့်လို့ ယူဆနေပြီး၊ မာရက်စ်ကာရဲ့ ထွက်ခွာမှုကြောင့်ပဲ အသင်းရလဒ်တွေ ဆိုးရွားကာ ရာသီပိတ်မှာ အဆင့် ၁၀ အထိ ဖြစ်ခဲ့ရတာလို့ ယုံကြည်နေပါတယ်။
မန်စီးတီးကတော့ မာရက်စကာကို ၃ နှစ်စာချုပ်နဲ့ ခန့်အပ်ဖို့စီစဉ်ထားပြီး အသင်းအဖွဲ့ဝင်တွေ ဖွဲ့စည်းမှုအပါအဝင် အသေးစိတ်အချက်အလက်တွေကို ဆွေးနွေးနေကြပါတယ်။
မာရက်စကာဟာ ၂၀၂၃ ခုနှစ်က မန်စီးတီး ဖလား ၃ လုံးရရှိစဉ်က ဂွါဒီယိုလာရဲ့ လက်ထောက်အဖြစ် ဆောင်ရွက်ခဲ့ဖူးသူ ဖြစ်ပါတယ်။
တဆက်တည်းမှာပဲ မန်စီးတီးကနေ ထွက်ခွာသွားခဲ့တဲ့ ဂွါဒီယိုလာက သူ့ရဲ့အနာဂတ်နဲ့ပတ်သက်ပြီး လတ်တလောမှာ ဘောလုံးလောကနဲ့ ဝေးရာမှာ အနားယူသွားမှာဖြစ်ကြောင်း ဖွင့်ဟခဲ့ပါတယ်။
Photo: Reuters
