DVB Logo
Home
မြန်မာသတင်း

သာပေါင်းတွင် စစ်မှုထမ်းတပ်သားသစ် ၁ ဦး အလုပ်ကြမ်းခိုင်းစေခံရပြီး သေဆုံး

DVB
·
November 20, 2026
Photo: Htet Kyaw
Photo: Htet Kyaw
Donate to DVB

ဧရာဝတီတိုင်း၊ ပုသိမ်ခရိုင်၊ သာပေါင်းမြို့နယ်မှာ စစ်အာဏာရှင်တပ်ရဲ့ ယာယီစခန်းတခုမှာ တာဝန်ကျနေတဲ့ စစ်မှုထမ်းတပ်သားသစ် လူငယ်တယောက်ဟာ အလုပ်ကြမ်းတွေ လုပ်ကိုင်ရပြီး ဖျားနာကာ သေဆုံးသွားတယ်လို့ ဒေသခံတွေထံက သိရပါတယ်။

နိုဝင်ဘာ ၁၉ ရက် မနက်အစောပိုင်းက သာပေါင်းမြို့နယ်၊ ကမ်းပါးကြီးကျေးရွာရှိ စစ်အာဏာရှင် တပ်ရဲ့ ယာယီစခန်းတခုမှာ တာဝန်ကျနေတဲ့ အသက် ၂၇ နှစ်ခန့်အရွယ် စစ်မှုထမ်းအပတ်စဉ် ၈ က တပ်သားသစ် လူငယ်တယောက် ရုတ်တရက် သေဆုံးသွားတာလို့ ဆိုပါတယ်။

စစ်အာဏာရှင်တပ်နဲ့ နီးစပ်သူတယောက်က “သိရသလောက်တော့ တပ်သားသစ်က ဖျားနေတာ ၃ ရက်၊ ၄ ရက်လောက် ရှိပြီလို့ သိရတယ်။ အလုပ်တွေလည်း မနားတမ်း လုပ်ရတယ်။ ဆေးဝါး သုံးစွဲခွင့်လည်း မရဘဲ သေဆုံးသွားတာပါ။ ကမ်းပါးကြီး ယာယီတပ်စခန်းမှာပဲ သေဆုံးသွားတာ” လို့ ပြောပါတယ်။

သေဆုံးသွားတဲ့ စစ်မှုထမ်းတပ်သားသစ်ဟာ ရန်ကုန်တိုင်း၊ သန်လျင်မြို့နယ်ကဖြစ်ပြီး စစ်မှုထမ်း အပတ်စဉ် ၈ မှာ သင်တန်းဆင်းခဲ့ပြီးနောက် ဧရာဝတီတိုင်းအတွင်း ရခိုင်ရိုးမအစပ်က ရှေ့တန်းစခန်း တွေကို ပို့ဆောင်ခံခဲ့ရတာလို့ သိရပါတယ်။

ဧရာဝတီတိုင်းအတွင်းရှိ ရှေ့တန်းစခန်းတွေမှာ တာဝန်ကျနေတဲ့ စစ်မှုထမ်းတပ်သားတွေ အပါအဝင် စစ်အာဏာရှင်တပ်သားတွေဟာ အစာရေစာ ငတ်မွတ်တာ၊ ဆေးဝါးကုသခွင့် မရတာနဲ့ အလုပ်ကြမ်း တွေကို အဆမတန် လုပ်ကိုင် ခိုင်းစေတာတွေကြောင့် တပ်ကနေ ထွက်ပြေးမှုတွေလည်း ဖြစ်ပေါ် နေတယ်လို့ စစ်အာဏာရှင်တပ်နဲ့ နီးစပ်သူတွေက ပြောပါတယ်။

 

Support DVB
Live
DVB Donate
မြန်မာနိုင်ငံအပေါ် အရေးယူဒဏ်ခတ်မှုများ
DVB Logo

About Us

For over 30 years, the Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB is registered as a non-profit association in Thailand.

Follow Us

© Democratic Voice of Burma 2013