ကမ္ဘာ့အရေးအကြီးဆုံးနဲ့ အငြင်းပွားနေတဲ့ ရေကြောင်းတွေထဲက တခုဖြစ်တဲ့ တောင်တရုတ်ပင်လယ်ထဲက ယုံရှုကျောက်တန်းနားမှာ သင်္ဘောသား ၆၂ ယောက် တင်လာပြီး ဗီယက်နမ် မှတ်ပုံတင်ထားတဲ့ ကုန်တင်သင်္ဘောတစင်း နစ်မြုပ်ခဲ့ပါတယ်။

သင်္ဘောမှာ သင်္ဘောသား ၆၂ ယောက် သယ်ဆောင်လာပြီး ၄၅ ယောက်ကို ရေထဲကနေ ကယ်တင်နိုင်ခဲ့ပါတယ်။

ဗီယက်နမ်သင်္ဘောတစင်း တောင်တရုတ်ပင်လယ်မှာ နစ်မြုပ်ပြီးတဲ့နောက် တနင်္ဂနွေနေ့မှာ ပျောက်နေသူ ၁၇ ယောက်ကို ကယ်ဆယ်ရေးသမားတွေက ရှာနေတယ်လို့ တရုတ်နိုင်ငံပိုင်မီဒီယာ CCTV က ဖော်ပြခဲ့ပါတယ်။

တရုတ်နိုင်ငံပိုင် ဟိုင်နန်ကျွန်း အာဏာပိုင်တွေက ကုန်တင်သင်္ဘော ခွိုင်ငွင့် 18 ဟာ ယုံရှုကျောက်တန်းနားမှာ ပြဿနာတက်ခဲ့တယ်လို့ CCTV က ပြောပါတယ်။

ကုန်တင်သင်္ဘောဟာ အရှေ့ပင်လယ်က ရာသီဥတုဆိုးရွားနေတဲ့ အခြေအနေတွေကြားမှာ ခုတ်မောင်းနေတုန်း နစ်မြုပ်သွားပြီးတဲ့နောက် ဗီယက်နမ်အာဏာပိုင်တွေ ချက်ချင်း ရောက်လာခဲ့တယ်လို့ ဗီယက်နမ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဖမ်သူဟန်က AFP သတင်းဌာနဆီပို့တဲ့ ကြေညာချက်ထဲမှာ ပြောထားပါတယ်။

တရုတ်နိုင်ငံက ကယ်ဆယ်ရေးအတွက် ကူဖို့ သင်္ဘော ၆ စင်းနဲ့ ကယ်ဆယ်ရေး ရဟတ်ယာဉ်တစင်းကို စေလွှတ်ခဲ့ပြီး ဗီယက်နမ်သင်္ဘော ၇ စင်းလည်း ရှာဖွေကယ်ဆယ်ရေး လုပ်ငန်းတွေမှာ ပါဝင်ဆောင်ရွက်နေပါတယ်။

Source: Reuters