ချဲလ်ဆီး ယာယီနည်းပြ ကလမ် မက်ဖာလိန်းက လိဒ်ယူနိုက်တက်ကို အနိုင်ယူပြီး အက်ဖ်အေဖလား ဗိုလ်လုပွဲ တက်လှမ်းနိုင်ခဲ့တာဟာ ကစားသမားတွေရဲ့ စိတ်ဓာတ်ပိုင်းခိုင်မာမှုကို သက်သေပြလိုက်တာလို့ ပြောပါတယ်။
နည်းပြဟောင်း လီယမ်ရိုဆင်နီယာ ရာထူးက ထုတ်ပယ်ခံရပြီးနောက် ဝေဖန်မှုတွေနဲ့ ရင်ဆိုင်နေရတဲ့ ချဲလ်ဆီးဟာ အန်ဇိုဖာနန်ဒက်စ်ရဲ့ အနိုင်ဂိုးနဲ့အတူ ဝင်ဘလေမှာ မန်စီးတီးနဲ့ ဗိုလ်လုပွဲကစားခွင့် ရရှိခဲ့တာပါ။
မက်ဖာလိန်းက ကစားသမားတွေဟာ နည်းပြချုပ်ဟောင်းအတွက် အစွမ်းကုန် မကစားပေးခဲ့ဘူးဆိုတဲ့ စွပ်စွဲချက်တွေကို ပယ်ချခဲ့ပြီး အခုပွဲမှာ ပြသခဲ့တဲ့ တိုက်ပွဲဝင်စိတ်ဓာတ်ကသာ အသင်းရဲ့ အရည်အသွေးအစစ်အမှန် ဖြစ်တယ်လို့ ဆိုပါတယ်။
စီနီယာနည်းပြဘဝ တတိယမြောက်ပွဲမှာတင် အသင်းကို ဗိုလ်လုပွဲ ပို့ဆောင်ပေးနိုင်ခဲ့တဲ့အပေါ် အိပ်မက်တခုလိုပဲလို့လည်း သူက တင်စားပြောဆိုခဲ့ပါတယ်။
အက်ဖ်အေဖလား ဗိုလ်လုပွဲကိုတော့ လာမဲ့ မေလ ၁၆ ရက်နေ့ ဝမ်ဘလေကွင်းမှာ ချဲလ်ဆီးအသင်းနဲ့ မန်စီးတီးအသင်းတို့ ယှဉ်ပြိုင်ကစားကြရမှာဖြစ်ပါတယ်။
