ရန်ကုန်မြစ်ကူး ဒလတံတား မဖွင့်ခင်အချိန်က ဒလမြို့နယ်မှာရှိတဲ့ အိမ်ခြံမြေဈေးဟာ ဈေးတဟုန်ထိုး မြင့်တက်နေရာက လက်ရှိအချိန်မှာတော့ ငြိမ်သက်နေတယ်လို့ အိမ်ခြံမြေ အကျိုးဆောင်တွေက ပြောပါတယ်။
ဒလတံတားကြီး ဖွင့်လှစ်လိုက်ပြီးတဲ့နောက်မှာ ဒလဘက်က အိမ်ခြံမြေဈေးတွေကတော့ တဟုန်ထိုး တက်လာနေပေမဲ့ အရောင်းအဝယ်ကတော့ ထင်သလောက် မရှိဘူးလို့ ဆိုပါတယ်။
ဒလ အိမ်ခြံမြေ အကျိုးဆောင်တယောက်က “အရောင်းအဝယ်က မရှိဘူး။ ဈေးတွေကတော့ ခေါ်နေကြတာပဲ။ ပြောရမယ်ဆိုရင် အမြင့်ဈေးနဲ့ ငြိမ်နေတာပေါ့။ အစကတော့ တံတားကြီးပြီးရင် အရောင်းအဝယ်ဖြစ်မယ် ထင်နေတာ” လို့ ပြောပါတယ်။
လက်ရှိအခြေအနေအရ ဒလတံတားအဆင်း လမ်းမကြီးဘက်က မြေကွက်တွေဆိုရင် ပေ ၄၀၊ ပေ ၆၀ လောက်တောင် သိန်းသောင်းချီတဲ့အထိ ဈေးခေါ်လာကြတာတွေ ရှိနေပြီး ဈေးကွက်ကတော့ အတော်လေးလှုပ်ရှားနေတဲ့ပုံစံ ရှိပေမဲ့ အရောင်းအဝယ်ကတော့ တကယ်မဖြစ်သေးဘူးလို့ သိရ ပါတယ်။
တံတားဖွင့်ပြီးနောက်ပိုင်းမှာတော့ ဒလဘက်က အိမ်ခြံမြေက ဈေးကွက်အတွင်း လူစိတ်ဝင်စားမှု မြင့်တက်လာပေမဲ့ လက်တွေ့အရောင်းအဝယ်ကတော့ အချိန်တခု လိုအပ်နေသေးတယ်လို့ အကျိုးဆောင်တွေက သုံးသပ်ထားကြပါတယ်။
