လောင်းကစားကြော်ငြာတွေမှာ နာမည်ကြီးသူတွေနဲ့ ကြော်ငြာတာကို ပိတ်ပင်မှာဖြစ်ပြီး အွန်လိုင်း လောင်းကစားကြော်ငြာတွေကိုလည်း အသက် ၁၈ နှစ်ပြည့်ပြီးသူ အင်တာနက်သုံးခွင့်ရသူတွေကိုပဲ ပြသခွင့် ကန့်သတ်မယ်လို့ ဩစတြေးလျက ဧပြီ ၂ ရက်မှာ ပြောပါတယ်။

လောင်းကစားကြော်ငြာတွေဟာ အခမဲ့ရုပ်သံလိုင်းတွေနဲ့ အားကစားကဏ္ဍ ဝင်ငွေတွေကို အဓိက ပံ့ပိုးပေးနေတာ ဖြစ်ပါတယ်။

လောင်းကစားကြော်ငြာတွေဟာ အစောပိုင်းကတည်းက ရုပ်သံထုတ်လွှင့်မှုမှာ အချိန်အကန့်အသတ်နဲ့ ထုတ်လွှင့်ဖို့ ကန့်သတ်ခံထားရတာ ဖြစ်ပါတယ်။

အသစ်ထွက်တဲ့ဥပဒေတွေအရ မနက် ၆ နာရီကနေ ည ၈ နာရီခွဲအတွင်း ၁ နာရီမှာ ၃ ကြိမ်အထိ ပါဝင်ပြီး Live လွှင့်နေတဲ့အချိန် လောင်းကစားကြော်ငြာတွေ လုံးဝ ကြော်ငြာခွင့်ရမှာ မဟုတ်ပါဘူး။

ဒါ့အပြင် ကျောင်းဆင်းချိန်နဲ့ ကျောင်းတက်ချိန်တွေမှာ ရေဒီယိုကနေ လောင်းကစားကြော်ငြာ ထုတ်လွှင့်တာကို ပိတ်ပင်ထားပါတယ်။

လောင်းကစားကြော်ငြာတွေမှာ လူသိများ ထင်ရှားသူတွေနဲ့ အားကစားသမားတွေကိုလည်း ကြော်ငြာရိုက်ခွင့် ပိတ်ပင်ထားပါတယ်။

အားကစားကွင်းမှာ လောင်းကစားကြော်ငြာတွေထားတာ ပိတ်ပင်ထားသလို ကစားသမားနဲ့ တာဝန်ရှိသူတွေရဲ့ အင်္ကျီတွေမှာပါ လောင်းကစားနဲ့ သက်ဆိုင်တာတွေ မပါဖို့ တားမြစ်ထားပါတယ်။

ဩစတြေးလျဝန်ကြီးချုပ်က လောင်းကစားကြော်ငြာတွေကို အွန်လိုင်းအသုံးပြုခွင့်ရှိသူတွေ အတွက်တော့ ကြော်ငြာခွင့် ပြုထားပါတယ်။

လောင်းကစားကြော်ငြာ ကန့်သတ်ချက် ဥပဒေဟာ ၂၀၂၇ ခုနှစ်မှာ စတင်အသက်ဝင်မှာ ဖြစ်ပါတယ်။

ဒီလောင်းကစားကြော်ငြာကိစ္စဟာ အစိုးရအဖွဲ့အတွက် ခေါင်းခဲစရာပြဿနာတခု ဖြစ်ခဲ့ပြီး လက်ရှိအချိန်မှာ ဥပဒေထုတ်ပြန်ပြီး ဖြေရှင်းနိုင်ခဲ့တာ ဖြစ်တယ်လို့ ရိုက်တာက ဖော်ပြပါတယ်။

Source: Reuters