ဘီဘီစီ အားကစားသတင်းဌာနဟာ ကုန်ကျစရိတ် လျှော့ချရေးအစီအစဉ်အရ သတင်းထောက် ရာထူး ၇ ခုကို လျှော့ချဖို့ ပြင်ဆင်နေပါတယ်။ 

အဆိုပါ လျှော့ချမှုထဲမှာ ထိပ်တန်းသတင်းထောက် ရာထူး ၄ ခုအထိ ပါဝင်နေတာ ဖြစ်ပါတယ်။ ဒီလို  လျှော့ချခံရနိုင်ခြေ ရှိလာတာကြောင့် ဝန်ထမ်းတွေကြားမှာ စိုးရိမ်မှုတွေနဲ့ မကျေနပ်မှုတွေ ပြင်းထန်နေပါတယ်။ မကျေနပ်တဲ့ ဝန်ထမ်းအချို့ဟာ လုပ်ငန်းခွင် သပိတ်မှောက်ဖို့အထိ စဉ်းစား ဆွေးနွေးနေကြပါတယ်။

ဝန်ထမ်းအချို့ကို ရာထူးတွေအတွက် ပြန်လည်လျှောက်ထားခိုင်းတာတွေလည်း ရှိနေတာပါ။ အဖွဲ့အစည်းအနေနဲ့ အားကစားသတင်းကဏ္ဍကို စနစ်တကျ လျှော့ချပစ်နေတာဖြစ်ကြောင်း ဝန်ထမ်းတွေက ပြင်းပြင်းထန်ထန် စွပ်စွဲထားပါတယ်။