ကနေဒါနိုင်ငံမှာလောင်နေတဲ့ တောမီးကနေ ထွက်လာတဲ့ မီးခိုးတွေဟာ ဇူလိုင် ၁၈ရက် မနက်မှာ အမေရိကန် အရှေ့မြောက်ပိုင်းဒေသတွေကို ဖုံးလွှမ်းထားပြီး နယူးယောက်မြို့ကနေ ဝါရှင်တန်ဒီစီအထိ အထင်ကရနေရာတွေ မှုန်ဝါးနေပါတယ်။ 

IQAirရဲ့ လေထုအရည်အသွေးညွှန်းကိန်းမှာ စနေနေ့မနက် ၁၁ နာရီက နယူးယောက်နဲ့ ဝါရှင်တန်ဒီစီမြို့တော်တို့ဟာ  AQI ညွှန်းကိန်း ၁၇၆ နဲ့ ၁၇၄ အသီးသီး ရှိနေလို့ ကမ္ဘာ့လေထုအညစ်ညမ်းဆုံး မြို့ကြီး နှစ်မြို့အဖြစ် အဆင့်သတ်မှတ်ခံခဲ့ရတာပါ။ 

ကနေဒါနိုင်ငံ တိုရွန်တိုမြို့ကတော့ ၁၇၂နဲ့ တတိယနေရာမှာ ရှိနေပါတယ်။  ကနေဒါနိုင်ငံက တောမီးလောင်ကျွမ်းမှု ရာပေါင်းများစွာကနေထွက်လာတဲ့ မီးခိုးထူတွေကြောင့် ဇူလိုင် ၁၇ နဲ့ ၁၆ ရက်မှာ အမေရိကန်ပြည်ထောင်စုရဲ့ အနောက်အလယ်ပိုင်းကနေ အရှေ့မြောက်ပိုင်းအထိ ဖုံးလွှမ်းနေပြီး ဒေသခံတွေ အိမ်ထဲမှာပဲနေကြဖို့ သတိပေးချက်တွေ ထုတ်ပြန်ခဲ့ပါတယ်။ 

ကနေဒါတောမီးကြောင့် အမေရိကန်မှာ မီးခိုးတွေပျံ့နှံ့တာအတွက် အမေရိကန်သမ္မတ ဒေါ်နယ်ထရမ့်က ကနေဒါကို သောကြာနေ့မှာ အပြစ်တင်ခဲ့ပါတယ်။ 

ကနေဒါ ကုန်ပစ္စည်းတွေအပေါ် လက်ရှိအခွန်ကောက်ခံရာမှာ အမေရိကန်ရဲ့ လေထုညစ်ညမ်းမှုကို ကိုင်တွယ်ဖြေရှင်းရတဲ့အတွက် မရေမတွက်နိုင်တဲ့ ကုန်ကျစရိတ်တွေကို ပေါင်းထည့်မယ်လို့လည်း ပြောပါတယ်။