ဆရာ၊ ဆရာမ ရာပေါင်းများစွာဟာ ဇွန် ၂ ရက်က ဟွန်ဒူးရပ်စ်နိုင်ငံရဲ့ လမ်းမတွေပေါ် ချီတက် ဆန္ဒပြခဲ့ကြပါတယ်။

ဆရာ၊ ဆရာမတွေနဲ့ ဆေးဝန်ထမ်းတွေဟာ တနိုင်ငံလုံးမှာ စပြီး ပူးတွဲသပိတ်မှောက်လိုက်လို့ ဟွန်ဒူးရပ်စ်နိုင်ငံထဲမှာ ဇွန် ၁ ရက်က အစိုးရကျောင်းတွေနဲ့ ဆရာဝန်ရုံးတွေ ပိတ်သိမ်းသွားတဲ့အတွက် တနင်္လာနေ့မှာ မငြိမ်မသက်မှုတွေ စတင်ခဲ့ပါတယ်။

အစိုးရက အရင်သဘောတူထားတဲ့ လစာတိုးမြှင့်မှုကို အကောင်အထည်ဖော်ဖို့ ပျက်ကွက်လို့ သပိတ်မှောက်တာ ဖြစ်ပြီး တရားဝင် ကတိကဝတ်တွေ ရှိနေပေမဲ့ လစာငွေမှာ ထင်ဟပ်မနေဘူးလို့ ဆရာ၊ ဆရာမများ သမဂ္ဂတွေက ပြောပါတယ်။

တချိန်တည်းမှာ ဆေးဝန်ထမ်းတွေက လုပ်ခလစာမရတာ၊ အလုပ်အကိုင် မတည်ငြိမ်တာနဲ့ အစိုးရဆေးရုံတွေမှာ ထောက်ပံ့ရေးပစ္စည်းတွေ ရှားပါးတာတွေအတွက် သီတင်းပတ်ပေါင်းများစွာ ဆန္ဒပြခဲ့ကြပါတယ်။

ကျန်းမာရေးစနစ်က လည်ပတ်ဖို့ ရုန်းကန်နေရတယ်လို့ ဆရာဝန်တွေက သတိပေးခဲ့ကြပါတယ်။

ပူးတွဲသပိတ်မှောက်မှုဟာ ပညာရေးနဲ့ ကျန်းမာရေးကဏ္ဍတွေမှာ ပိုကျယ်ပြန့်တဲ့ မကျေနပ်မှုတွေကို ထင်ဟပ်စေပြီး သမဂ္ဂတွေက ရေရှည်ရန်ပုံငွေ မလုံလောက်မှု၊ ငွေပေးချေမှု နှောင့်နှေးမှုနဲ့ အစိုးရရဲ့ ကတိမတည်မှုတွေကြောင့် အလုပ်သမားတွေအတွက် အခြေအနေတွေ ပိုဆိုးရွားလာပြီး အခြေခံ ပြည်သူ့ဝန်ဆောင်မှုတွေကို အနှောင့်အယှက်ဖြစ်စေတယ်လို့ ပြောခဲ့ကြပါတယ်။

Source: Reuters