ဆန်ဖရန်စစ္စကိုမြို့မှာ ယှဉ်ပြိုင်သွားတဲ့ ၂၀၂၆ ကမ္ဘာ့ဖလား အုပ်စု (D) ပွဲစဉ်မှာ တူရကီအသင်းဟာ ပါရာဂွေးအသင်းကို ၁ ဂိုး ဂိုးမရှိနဲ့ ရှုံးနိမ့်ခဲ့တာကြောင့် ပြိုင်ပွဲကနေ စောစီးစွာ ထွက်ခွာသွားရပြီ ဖြစ်ပါတယ်။
ပွဲအစ ၆၅ စက္ကန့်မှာတင် ပါရာဂွေးကစားသမား မာတီယက်စ် ဂါလာဇာက ဒီနှစ်ကမ္ဘာ့ဖလားရဲ့ အမြန်ဆုံး သွင်းဂိုးကို သွင်းယူခဲ့တာပါ။
ပထမပိုင်းမပြီးခင်မှာ ပါရာဂွေးကစားသမား မီဂွဲအယ်လ်မီရွန်က ပြိုင်ဘက်ကစားသမားနဲ့ စကားများချိန်မှာ ပါးစပ်ကိုကာပြီး ပြောဆိုခဲ့တာကြောင့် စည်းမျဉ်းသစ်အရ အနီကတ်ပြ ထုတ်ပယ်ခံခဲ့ရပါတယ်။
ဒါကြောင့် ပါရာဂွေးအသင်းဟာ တပိုင်းလုံးကို ကစားသမား ၁၀ ယောက်တည်းနဲ့ ယှဉ်ပြိုင်ခဲ့ရပေမဲ့ အနိုင်ရလဒ်ကို အဆုံးထိ ထိန်းထားနိုင်ခဲ့ပါတယ်။
တူရကီအသင်းဟာ ၂ ပွဲဆက်တိုက် ဂိုးပေါက်ကန်သွင်းမှု ၆၂ ကြိမ်အထိ ရှိခဲ့ပေမဲ့ တဂိုးမှ မသွင်းနိုင်ခဲ့ဘဲ ဟေတီအသင်းပြီးရင် ဒုတိယမြောက် ပြိုင်ပွဲကထွက်ရတဲ့ အသင်းဖြစ်လာပါတယ်။
