အီရန်အစိုးရက သမ္မတကို လုပ်ကြံသတ်ဖြတ်မှု ကျူးလွန်ခဲ့မယ်ဆိုရင် ဒါမှမဟုတ် လုပ်ကြံဖို့ ကြိုးစားခဲ့မယ်ဆိုရင် အီရန်ကို တိုက်ခိုက်ဖို့ စစ်တပ်ကို အသင့်ပြင်ထားဖို့ အမိန့်ပေးခဲ့တယ်လို့ အမေရိကန်သမ္မတ ဒေါ်နယ်ထရမ့်ပ်က ဇူလိုင် ၁၀ ရက်မှာ ပြောပါတယ်။

ကမ္ဘာတဝန်းက ခြိမ်းခြောက်မှုတွေအရ အီရန်အစိုးရက အမေရိကန်ရဲ့ လက်ရှိသမ္မတကို လုပ်ကြံရင် ဒါမှမဟုတ် လုပ်ကြံဖို့ ကြိုးစားမယ်ဆိုရင် အီရန်အစ္စလာမ်သမ္မတ နိုင်ငံကို ဒုံးကျည် ၁,၀၀၀ ပစ်လွှတ်ဖို့ ကျည်ဖြည့် အသင့်ပြင်ထားပြီး နောက်ထပ် ထောင်ပေါင်းများစွာကို ချက်ချင်း ပစ်လွှတ်ဖို့ ရှိနေတယ်လို့ ထရမ့်ပ်က ပြောပါတယ်။ 

ဒီကိစ္စမှာ ကျနော်ကို လုပ်ကြံသတ်ဖြတ်ဖို့ ခြိမ်းခြောက်မှုအပေါ် အီရန်အစိုးရက တုံ့ပြန်မယ်ဆိုရင်ပေါ့လို့ သူက Truth Social ပို့စ်တခုမှာ ပြောပါတယ်။

အမိန့်တွေ ပေးထားပြီး သားဖြစ်ပြီး အမေရိကန်စစ်တပ်က အီရန်ရဲ့ နေရာအားလုံးကို လုံးဝဖျက်ဆီးဖို့ တနှစ်တာ ကာလအတွက် အသင့်ရှိနေပြီး ဆန္ဒရှိသလောက် တတ်နိုင်သလောက် တိုးချဲ့နိုင်ပါတယ်လို့လည်း ထရမ့်ပ်က ပြောပါတယ်။ 

Source: Reuters