အီရန်အသင်းဟာ ကမ္ဘာ့ဖလားပွဲစဉ်တွေ ကစားဖို့အတွက် အမေရိကန်နိုင်ငံထဲကို ပွဲနေ့မနက်ပိုင်းမှ ဝင်ရောက်ရမှာဖြစ်ပြီး ပွဲအပြီး ၂၄ နာရီအတွင်း ပြန်လည်ထွက်ခွာရမှာ ဖြစ်ပါတယ်။
ဒါ့အပြင် အီရန်အသင်းရဲ့ အုပ်ချုပ်မှုအဖွဲ့ဝင်နဲ့ နည်းပြအဖွဲဝင် အများအပြားလည်း အမေရိကန်ဗီဇာ အငြင်းပွားခံခဲ့ရတာပါ။
လက်ရှိမှာတော့ အမေရိကန်နဲ့ နိုင်ငံရေးပဋိပက္ခတွေကြောင့် အီရန်အသင်းဟာ မက္ကဆီကိုနိုင်ငံမှာ စခန်းသွင်း နေထိုင်နေရပါတယ်။
အမေရိကန်အာဏာပိုင်တွေကတော့ ကစားသမားအားလုံးကို ဗီဇာထုတ်ပေးထားပေမဲ့ စနစ်ကို အလွဲသုံးစားလုပ်ပြီး အကြမ်းဖက်သမားတွေ ခိုးဝင်လာမှာကို ခွင့်မပြုနိုင်ဘူးလို့ ဆိုပါတယ်။
အီရန်သံရုံးဘက်ကတော့ အမေရိကန်ဟာ အားကစားလောကထဲကို နိုင်ငံရေးအရ ကြားဝင်စွက်ဖက်နေတယ်လို စွပ်စွဲလိုက်ပါတယ်။
အီရန်ဘောလုံးအဖွဲ့ချုပ် ဥက္ကဋ္ဌနဲ့ ဒုဥက္ကဋ္ဌတိုလည်း ဗီဇာငြင်းပယ်ခံရတဲ့အထဲ ပါဝင်နေတာပါ။
အီရန်အသင်းဟာ လာမဲ့ ဇွန် ၁၆ ရက်မှာ နယူးဇီလန်အသင်းနဲ့ ကမ္ဘာ့ဖလား အဖွင့်ပွဲစဉ်ကို ကယ်လီဖိုးနီးယားမှာ စတင်ယှဉ်ပြိုင်ရမှာပါ။
