၁၉၅၈ ကမ္ဘာ့ဖလားဗိုလ်လုပွဲမှာ ဘရာဇီးဂန္ထဝင် ဘောလုံးသမားပီလီ ဝတ်ဆင်ခဲ့တဲ့ ဂျာစီအင်္ကျီကို ဒေါ်လာ ၄ ဒသမ ၉ သန်းနဲ့ ရောင်းချခဲ့ပြီး ဒုတိယဈေးအကြီးဆုံး ဘောလုံးအင်္ကျီ ဖြစ်လာပါတယ်။
ဒီအင်္ကျီဟာ ပီလီနဲ့ ပတ်သက်တဲ့အမှတ်တရတွေထဲမှာ ဈေးအကြီးဆုံးဖြစ်လာပါတယ်။ အပြာရောင် နံပါတ် ၁၀ အင်္ကျီဟာ ၁၉၅၈ ခုနှစ်တုန်းက ၁၇ နှစ်အရွယ် အက်ဆန်အာရန်တက်ဒိုနာစီမန်တိုက လူငယ်လေး တယောက်ဝတ်ဆင်ခဲ့တာဖြစ်ပြီး သူ့ကို ပီလီလို့ ကမ္ဘာကသိစေခဲ့တာပါ။
၁၉၅၈ ဇွန် ၂၉ ရက်က ကစားခဲ့တဲ့ ဆွီဒင်နဲ့ပွဲမှာ (၅-၂) ဂိုး နဲ့ အနိုင်ရအောင် စွမ်းဆောင်ပြီး ဘရာဇီးအသင်းကို ပထမဆုံးအကြိမ် ကမ္ဘာ့ဖလားရအောင် စွမ်းဆောင်ပေးနိုင်ခဲ့ပါတယ်။
အဲ့ဒီပွဲမှာ ပီလီက ၂ ဂိုးသွင်းနိုင်ခဲ့ပြီး ကမ္ဘာ့အသက်အငယ်ဆုံး ဂိုးသွင်းနိုင်သူအဖြစ် စံချိန်တင်နိုင်ခဲ့ပါတယ်။
ပီလီရဲ့ အင်္ကျီကို Sotheby က လေလံတင်ခဲ့တာဖြစ်ပြီး လေလံဆွဲသူ ၅ ယောကကျော်ဆီကနေ လေလံဆွဲတဲ့အကြိမ် ၁၀ ကြိမ်ကျော်ခဲ့ပါတယ်။
နယူးယော့ခ်မှာ ကျင်းပတဲ့ Sotheby အားကစားလေလံပတ်မှာ ပီလီရဲ့ အင်္ကျီကို ဒေါ်လာ ၄ ဒသမ ၉ သန်းနဲ့ ရောင်းချခဲ့တာပါ။
ဒီအင်္ကျီမရောင်းမီက ပီလီနဲ့ ပတ်သက်တဲ့ အမှတ်တရတွေအနက် Pele rookie card က ဒေါ်လာ ၉၇၆,၀၀၀ နဲ့ ဈေးအကြီးဆုံးပစ္စည်းဖြစ်ခဲ့တာပါ။
အဲ့ဒီအပြာရောင်အင်္ကျီဟာ ၂၀၀၄ ခုနှစ်က ဒေါ်လာ ၁၀၅,၆၀၀ နဲ့ ရောင်းချခဲ့တာဖြစ်ပြီး လက်ရှိအချိန်မှာ ဒေါ်လာ ၄ သန်းကျော်အထိ တန်ကြေးရှိလာတာပါ။
ကမ္ဘာပေါ်မှာ ဈေးအကြီးဆုံးဘောလုံးအင်္ကျီကတော့ ၂၀၂၂ ခုနှစ်တုန်းက Sotheby က ဒေါ်လာ ၉ ဒသမ ၃ သန်းနဲ့ ရောင်းချခဲ့တဲ့ မာရာဒိုနာရဲ့ Hand of God အင်္ကျီပဲ ဖြစ်ပါတယ်။
Photo:Reuters
