အမေရိကန်နိုင်ငံ၊ ဆီယက်တဲလ်မြို့လယ်ခေါင်မှာ ဇူလိုင် ၂၆ ရက်က ကျင်းပခဲ့တဲ့ “Bite of Seattle” အစားအသောက်ပွဲတော်မှာ သေနတ်ပစ်ခတ်မှု ဖြစ်ပွားတာကြောင့် လူ ၃ ယောက် သေဆုံးပြီး ၂ နှစ် အရွယ် ကလေးငယ်တယောက် အပါအဝင် ၄ ယောက် ဒဏ်ရာရရှိခဲ့ပါတယ်။
ပစ်ခတ်မှုအပြီးမှာ ရဲတပ်ဖွဲ့က အသက် ၁၅ နှစ်အရွယ် လူငယ်တယောက်ကို လက်ထိပ်ခတ် ဖမ်းဆီး ထိန်းသိမ်းခဲ့ပါတယ်။
ဆီယက်တဲလ်ရဲတပ်ဖွဲ့ (SPD) ဒုတိယရဲမှူးကြီး တိုင်ရွန်းဒေးဗစ်ရဲ့ အဆိုအရ လူ ၂ ယောက် အပြန်အလှန် ပစ်ခတ်ခဲ့ကြတာလို့ ယူဆရပြီး ဒုတိယမြောက် သံသယရှိသူကိုလည်း ရဲတပ်ဖွဲ့က လိုက်လံရှာဖွေနေပါတယ်။
အခင်းဖြစ်နေရာကနေ သေနတ် ၂ လက် သိမ်းဆည်းရမိခဲ့ပြီး ပစ်ခတ်ရတဲ့ အကြောင်းရင်းကို ထုတ်ဖော်ပြောကြားခြင်း မရှိသေးပါဘူး။
ဒါ့အပြင် တတိယမြောက် သံသယရှိသူတယောက်လည်း ပါဝင်နိုင်ခြေရှိတာကြောင့် အများပြည်သူ က သတင်းအချက်အလက်တွေ ကူညီပေးဖို့ မေတ္တာရပ်ခံထားပါတယ်။
ရဲတပ်ဖွဲ့က အခင်းဖြစ်ပွားရာ ဧရိယာကို လုံခြုံရေးယူပေးခဲ့ပြီး စုံစမ်းစစ်ဆေးမှုတွေ ဆက်လက် လုပ်ဆောင်နေစဉ်အတွင်း အများပြည်သူအနေနဲ့ အဲဒီဧရိယာကို မသွားရောက်ကြဖို့ သတိပေးထား ပါတယ်။
Source: Reuters
