ဧရာဝတီတိုင်း၊ မြန်အောင်ခရိုင်၊ မြန်အောင်မြို့နယ်မှာ ငွေစက္ကူအတု ၁၀,၀၀၀ တန် အရွက်ရေ ၄,၇၀၀ နဲ့အတူ လူ ၈ ယောက်ကို စစ်အာဏာရှင်လက်အောက်ခံ ရဲတွေက ဖမ်းဆီးထားတယ်လို့ ရဲတပ်ဖွဲ့နဲ့ နီးစပ်သူတွေဆီက သိရပါတယ်။

ဧပြီ ၂ ရက် ညနေ ၄ နာရီကျော်လောက်က မြန်အောင်မြို့ အဝင်အထွက် ကမလာကာကုန်း စစ်ဆေးရေးဂိတ်မှာ အမျိုးသား ၆ ယောက် နဲ့အမျိုးသမီး ၂ ယောက်ကို ၁၀,၀၀၀ တန်ငွေစက္ကူအတု အရွက်ရေ ၄,၇၀၀ နဲ့အတူ စစ်အာဏာရှင် လက်အောက်ခံရဲတွေက ဖမ်းဆီးရမိခဲ့ပြီး မြန်အောင်မြို့မရဲစခန်းမှာ စစ်ဆေးနေတယ်လို့ သိရပါတယ်။

စစ်အာဏာရှင် ရဲတပ်ဖွဲ့နဲ့ နီးစပ်သူက “သတင်းအရ စောင့်ဖမ်းတာလို့ သိရတယ်။ ဖမ်းမိတဲ့ စစ်ဆေးရေးဂိတ်က မြန်အောင်မြို့အဝင်အထွက် စစ်ဆေးရေးဂိတ်ပါ။ ငွေစက္ကူအတု သိန်း ၄,၇၀၀ နဲ့အတူ ဖမ်းမိခဲ့တာ။ ဖမ်းမိတဲ့လူ ၈ ယောက်က ကား ၂ စီးနဲ့လာတာ” လို့ ပြောပါတယ်။

ပြီးခဲ့တဲ့ ဇန်နဝါရီလ ၁၈ ရက်ကလည်း အင်္ဂပူမြို့နယ်၊ ထူးကြီးမြို့မှာ ၁၀,၀၀၀ တန် တငွေစက္ကူအတုပြုသုံးစွဲသူကို စစ်အာဏာရှင် လက်အောက်ခံရဲတွေက ဖမ်းမိခဲ့သေးတယ်လို့ သိရပါတယ်။