ဖီဖာဥက္ကဋ္ဌ ဂျန်နီ အင်ဖန်တီနိုဟာ ဖီဖာကမ္ဘာ့ဖလားဘောလုံးပြိုင်ပွဲတွေရဲ့ ရှယ်ယာတွေကို ပုဂ္ဂလိက ရင်းနှီးမြှုပ်နှံမှုကုမ္ပဏီတွေကို ရောင်းချဖို့ ကြိုးစားခဲ့တာကြောင့် ရာထူးကနေ နုတ်ထွက်ရမဲ့ အခြေအနေနဲ့ ရင်ဆိုင်နေရပါတယ်။
တခြားသူတွေ မသိဘဲ လုပ်ဆောင်ခဲ့တဲ့ ဒီအစီအစဉ်ကြောင့် ဥရောပဘောလုံးအဖွဲ့ချုပ် (UEFA) အပါအဝင် ကွန်ကာကပ်ဖ်နဲ့ အာရှဘောလုံးအဖွဲ့ချုပ် (AFC) တို့ကပါ သူ့အပေါ် ယုံကြည်မှု ပျောက်ဆုံးနေတာပါ။
UEFA ကတော့ ကမ္ဘာ့ဖလား အပါအဝင် ဖီဖာပြိုင်ပွဲအားလုံးကို သပိတ်မှောက်မယ်လို့ ခြိမ်းခြောက်ထားပါတယ်။
အင်ဖန်တီနိုရဲ့ အစီအစဉ်ကို UEFA က ပြင်းပြင်းထန်ထန် ဝေဖန်ခဲ့ပြီး သူ့ရဲ့ အနီးကပ်ဆုံး မဟာမိတ် ၂ ယောက်ဖြစ်တဲ့ အကြံပေး ကားလို့စ်ကော်ဒီရိုနဲ့ အမှုဆောင်အရာရှိချုပ် ကယ်ဗင်လာမိုးတို့လည်း ရာထူးက နုတ်ထွက်သွားပါတယ်။
အင်ဖန်တီနိုက သူ့အစီအစဉ်ကို နောက်ဆုတ်ခဲ့ပေမဲ့ UEFA ကတော့ သူ့အပေါ် ယုံကြည်မှု လုံးဝပျောက်ဆုံးကြောင်း ကြေညာချက် ထုတ်ပြန်ခဲ့ပါတယ်။ ကွန်ကာကပ်ဖ်ကလည်း ဖီဖာရဲ့ ခေါင်းဆောင်မှုအပေါ် ပြန်လည်သုံးသပ်ဖို့ တောင်းဆိုထားပါတယ်။
