ဥရောပသမဂ္ဂ (EU) ကို အရွယ်အစားတိုးချဲ့မှုဟာ လာမယ့်နှစ်တွေမှာ “လက်တွေ့ကျတဲ့ ဖြစ်နိုင်ခြေ” ဖြစ်ပြီး မွန်တီနီဂရိုးနိုင်ငံဟာ အဖွဲ့ထဲဝင်ဖို့ အဆင့်မြင့်ဆုံး ကိုယ်စားလှယ်လောင်း ဖြစ်တယ်လို့ ဥရောပတိုးချဲ့မှုကော်မရှင်နာ မာတာကော့စ်က နိုဝင်ဘာ ၄ ရက်မှာ ပြောပါတယ်။
မွန်တီနီဂရိုး၊ အယ်လ်ဘေးနီးယား၊ မော်လ်ဒိုဗာနဲ့ ယူကရိန်းတို့ဟာ EU အဖွဲ့ဝင်အဖြစ် ဦးတည်တဲ့ လမ်းကြောင်းပေါ်မှာ အခုနှစ်အတွင်း သိသာထင်ရှားတဲ့ တိုးတက်မှုတွေ လုပ်ခဲ့တယ်လို့ EU ရဲ့ နှစ်ပတ်လည်တိုးချဲ့မှု အစီရင်ခံစာကို ကြိုတင်ကြည့်ရှုရာမှာ ကော့စ်က ဥရောပလွှတ်တော်ကို ပြောပါတယ်။
ယူကရိန်းဟာ ရုရှားကျူးကျော်မှု ကြားကနေ တိုးတက်မှုရခဲ့ပေမဲ့ အဂတိလိုက်စားမှု တိုက်ဖျက်ရေး ကြိုးပမ်းချက်တွေမှာ အရှိန်အဟုန်ကို ထိန်းသိမ်းရမယ်လို့ ကော့စ်က ပြောပါတယ်။
ဒါပေမဲ့ ကိုယ်စားလှယ်လောင်းနိုင်ငံတွေဖြစ်တဲ့ ဆားဘီးယားနဲ့ ဂျော်ဂျီယာတို့ကို ဝေဖန်ခဲ့ပြီး အဲဒီနိုင်ငံတွေမှာ ဒီမိုကရေစီ နောက်ပြန်ဆုတ်တာကို မြင်တွေ့ခဲ့ရတယ်လို့ ကော့စ်က ပြောပါတယ်။
Source: Reuters
