တရုတ်နိုင်ငံအရှေ့ပိုင်း ကမ်းရိုးတန်းက ဖူကျန်းပြည်နယ်မှာ တိုင်ဖွန်း ဒါနက်စ်အတွက် ပြင်ဆင်နေလို့ ပင်လယ်ပြင် ငါးမွေးမြူရေးလုပ်ငန်းက ငါးဖမ်းလှေတွေအားလုံး အနီးအနားက ဆိပ်ကမ်းတွေမှာ ဆိုက်ကပ် ခိုလှုံနေကြပါတယ်။

အခုနှစ်ရဲ့ စတုတ္ထမြောက် တိုင်ဖွန်းမုန်တိုင်း ဒါနက်စ်ဟာ တောင်တရုတ်ပင်လယ်ပြင်မှာ သန်းခေါင်ကျော် ဇူလိုင် ၅ ရက် မနက် ၂ နာရီလောက်က အပူပိုင်းမုန်တိုင်းအဖြစ် ပေါ်ပေါက်ခဲ့တာဖြစ်ပြီး လေပြင်းတိုက်လို့ ငါးဖမ်းဧရိယာတွေတလျှောက် မုန်တိုင်းက ပိုအားကောင်းလာဖို့ မျှော်လင့်ရပါတယ်။

ဒါကြောင့် ဖူကျန်းပြည်နယ် ရေကြီးမှုထိန်းချုပ်ရေး၊ မိုးခေါင်ရေရှားမှု ကယ်ဆယ်ရေးဌာနချုပ်က မုန်တိုင်းဒဏ်ကို ရှောင်ဖို့ ငါးဖမ်းလှေတွေကို အနားက ဆိပ်ကမ်းတွေမှာ ခိုလှုံနေကြဖို့ စနေနေ့က ညွှန်ကြားချက် ထုတ်ပြန်ခဲ့ပါတယ်။

မုန်တိုင်းချဉ်းကပ်လာနေလို့ သင်္ဘောတွေကို ကြိုတင်ပြင်ဆင်ထားတာ သေချာစေဖို့  တံငါသည်တွေက ကျောက်ချ ဆိုက်ကပ်ထားတဲ့ ကြိုးတွေ လုံခြုံစေဖို့ ကမ်းရိုးတန်းစောင့် တပ်ဖွဲ့ဝင်တွေကို ငါးဖမ်းကွင်းတွေမှာ ကင်းလှည့်ဖို့ တာဝန်ချထားပါတယ်။

Source: Reuters