မက္ကဆီကိုနိုင်ငံမှာ ကွယ်လွန်သူများနေ့ အထိမ်းအမှတ်ပွဲတော်ကို မက္ကဆီကိုမြို့ လမ်းမတွေပေါ်မှာ လူထောင်နဲ့ချီ ပါဝင်ဆင်နွှဲခဲ့ပါတယ်။

ကွယ်လွန်သူများနေ့ အထိမ်းအမှတ်ပွဲတော်ကို ပါဝင်ဆင်နွှဲသူတွေဟာ မျက်နှာမှာ အရိုးခေါင်းပုံစံ တောက်ပတဲ့ ခြယ်သမှုတွေ၊ ညဘက် မီးရောင်အောက်မှာ တောက်ပစေတဲ့ အဝတ်အစားတွေ ဝတ်ဆင်ပြီး ပါဝင်ဆင်နွှဲခဲ့တာပါ။

ကွယ်လွန်သူများနေ့ အထိမ်းအမှတ်ပွဲတော်ရဲ့ ပြယုဂ်တခုဖြစ်တဲ့ လာကာထရီနာရဲ့ ပုံစံကို နမူနာယူပြီး ပွဲဆင်နွှဲသူတွေက အရိုးခေါင်းပုံ မျက်နှာဆေးခြယ်မှုတွေနဲ့ ခမ်းနားလှပတဲ့ ဝတ်စုံတွေ ဝတ်ဆင်ကာ ဒီပွဲကို ပါဝင်ဆင်နွှဲတာ ဖြစ်ပါတယ်။

ကွယ်လွန်သူများနေ့ အထိမ်းအမှတ်ပွဲတော်ကို နိုဝင်ဘာ ၁ ရက်နဲ့ ၂ ရက်နေ့တို့မှာ နှစ်စဉ် ကျင်းပလေ့ ရှိပါတယ်။

ကွယ်လွန်သူများနေ့ အထိမ်းအမှတ်ပွဲတော်ဟာ သေဆုံးသူတွေနဲ့ အသက်ရှင်နေသူတွေကြား ဆက်သွယ်မှုတခုအဖြစ် ယုံကြည်ကြတာလည်း တွေ့ရပါတယ်။

ပွဲတော်ကာလမှာ ကွယ်လွန်သူတွေအတွက် အစားအသောက် ပြင်ဆင်ပေးခြင်း၊ သချိုင်းသန့်ရှင်းရေး လုပ်ပေးခြင်း စတဲ့ အလေ့အထလည်း မက္ကဆီကိုနိုင်ငံမှာ ပြုလုပ်လေ့ရှိပါတယ်။

ဒီပွဲတော်မှာ သေဆုံးသူတွေကို ရည်ရွယ်တဲ့ အရိုးခေါင်းပုံတွေ၊ မာရီဂိုးလ်ပန်းတွေနဲ့ အလှဆင်လေ့ ရှိပါတယ်။

ဒီပွဲတော်ဟာ ဒေသခံ တိုင်းရင်းသား ယဉ်ကျေးမှုတွေနဲ့ ကက်သလလစ်ယဉ်ကျေးမှုတွေကို ပေါင်းစပ်ထားတဲ့ မက္ကဆီကိုနိုင်ငံရဲ့ အထင်ရှားဆုံး ပွဲတော်တခု ဖြစ်ပါတယ်။

Source: Reuters