တိုက်စစ်မှူးသစ် လီယန်ဒလတ်ပ်ကို ပွဲထွက်ခွင့်အတွက် အာမခံချက် ပေးမထားကြောင်း ချဲလ်ဆီးနည်းပြ မာရက်စ်ကာက ပြောသွားပါတယ်။

ဒလတ်ပ်ဟာ LAFC ကို ၂ ဂိုး ဂိုးမရှိနဲ့ အနိုင်ရတဲ့ ကလပ်ကမ္ဘာ့ဖလား အဖွင့်ပွဲစဉ်မှာ လူစားဝင်ကစားခွင့်ရခဲ့ပြီး တဂိုးဖန်တီးပေးနိုင်ခဲ့သူပါ။

ကစားသမားတယောက်ကို ပွဲထွက်ခွင့်ပေးမယ်လို့ ဘယ်တုန်းကမှ မပြောခဲ့ဘူးကြောင်း၊ တခြားသူထက် ပိုပြီးကြိုးစားကစားနိုင်သူကိုသာ ပွဲထွက်ခွင့်ပေးမှာဖြစ်ကြောင်း၊ ဒလတ်ပ်ကိုလည်း တခြား နံပါတ် ၉ တိုက်စစ်မှူးထက် ပိုပြီး ကြိုးစားကစားနိုင်မှသာ ပွဲထွက်ခွင့်ပေးမှာဖြစ်ကြောင်း နည်းပြမာရက်စ်ကာက ပြောပါတယ်။

အသက် ၂၂ နှစ်ရှိ မန်စီးတီးအကယ်ဒမီထွက် တိုက်စစ်မှူးဟာ မနှစ်က အစ်ဆွစ်အသင်းမှာ ၁၂ ဂိုး သွင်းခဲ့ပြီး အနာဂတ်မှာ အင်္ဂလန်တိုက်စစ်မှူး ဟယ်ရီကိန်းရဲ့နေရာမှာ အစားဝင်လာနိုင်သူလို့ ချီးကျူးခံနေရသူ ဖြစ်ပါတယ်။