အမေရိကန်ရဲ့ ထပ်ဆောင်းခွန်တွေအကြား ဒီနှစ်ထဲမှာ ဒေသတွင်း တင်ပို့ကုန်တွေ တိုးလာမယ်လို့ အဖွဲ့ဝင် ၂၁ ယောက်ပါတဲ့ အာရှ-ပစိဖိတ် စီးပွားရေး ပူးပေါင်းဆောင်ရွက်ရေးအဖွဲ့ (APEC) ကုန်သွယ်ရေးဝန်ကြီးတွေက နှစ်ပတ်လည် အစည်းအဝေး စတင်ချိန် မေ ၁၅ ရက်မှာ သတိပေးလိုက်ပါတယ်။
ဒေသတွင်း တင်ပို့ကုန်ဟာ မနှစ်က ၅ ဒသမ ၇ ရာခိုင်နှုန်း တိုးလာပြီးတဲ့နောက် အခုနှစ်မှာ ၀ ဒသမ ၄ ရာခိုင်နှုန်းသာ တိုးလာမယ်လို့ APEC က ခန့်မှန်းထားပါတယ်။
၂၀၂၅ ခုနှစ် တောင်ကိုရီးယား အပန်းဖြေကျွန်း ဂျဲဂျုမှာ ကျင်းပတဲ့ ကုန်သွယ်ရေးဝန်ကြီးများ အစည်းအဝေးမှာ ဒေသတွင်း လမ်းကြောင်း ဆန်းစစ်ချက် အစီရင်ခံစာကိုလည်း ထုတ်ပြန်ခဲ့ပါတယ်။
APEC အစုအဖွဲ့ဟာ အခုနှစ်အတွက် ဒေသတွင်း စီးပွားရေးတိုးတက်မှု ခန့်မှန်းချက်ကို အရင်က ခန့်မှန်းချက် ၃ ဒသမ ၃ ရာခိုင်နှုန်းကနေ အခု ၂ ဒသမ ၆ ရာခိုင်နှုန်းဆီ လျှော့ချခဲ့ပါတယ်။
APEC စီးပွားရေးဖိုရမ်ကို စတင်တည်ထောင်ချိန် ၁၉၈၉ ခုနှစ်က ဒေသတွင်း ပျမ်းမျှ အကောက်ခွန်နှုန်းထားတွေဟာ ၁၇ ရာခိုင်နှုန်း ရှိရာက ၂၀၂၁ ခုနှစ်မှာ ၅ ဒသမ ၃ ရာခိုင်နှုန်းဆီ ကျဆင်းသွားခဲ့တာပါ။
APEC အဖွဲ့ရဲ့ ထက်ဝက်ကျော်ကို အမေရိကန်သမ္မတ ဒေါ်နယ်ထရမ့်ပ် အစိုးရက ပစ်မှတ်ထားပြီး စည်းကြပ်ခွန် ကောက်ခံခဲ့ပြီး ဒီကာလအတွင်း ကုန်သွယ်မှုပမာဏ ၉ ဆကျော် တိုးမြင့်လာခဲ့ပါတယ်။
Source: Reuters
