ဗကသများအဖွဲ့ချုပ် ဗဟိုအမှုဆောင်အဖွဲ့ ဒုတိယဥက္ကဋ္ဌဖြစ်သူ ကိုဝေယံဖြိုးမိုးဟာ အကျဉ်း ထောင်ကနေ ပြန်လည်လွတ်မြောက်လာတယ်လို့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် (ဗကသ)က ဧပြီ ၁၁ ရက်မှာ ထုတ်ပြန်ပါတယ်။
ကိုဝေယံဖြိုးမိုးဟာ အင်းစိန်အကျဉ်းထောင်နဲ့ သာယာဝတီအကျဉ်းထောင်တွေမှာ ၄ နှစ်ကျော်ကြာ မတရားဖမ်းဆီးခံခဲ့ရပြီးနောက် ဧပြီ ၂ ရက်မှာ ပြန်လည်လွတ်မြောက်လာတာလို့ ဆိုပါတယ်။
စစ်အာဏာရှင်ဆန့်ကျင်ရေး လူထုလှုပ်ရှားမှုတွေမှာ တက်ကြွစွာပါဝင်ခဲ့တဲ့ ကိုဝေယံဖြိုးမိုးဟာ စစ်အာဏာသိမ်းတဲ့ပြီးနောက် ၂၀၂၁ ခုနှစ် မတ်လ ၃ ရက်က ဗကသများအဖွဲ့ချုပ်(ပူးပေါင်း) စစ်ကြောင်းကို တာမွေမြို့နယ်မှာ စစ်တပ်နဲ့ ရဲတွေက အကြမ်းဖက်ဝင်ရောက် ဖြိုခွင်းချိန် ရဟန်းရှင်လူ ကျောင်းသားပြည်သူတွေနဲ့အတူ မတရားဖမ်းဆီးခြင်းခံခဲ့ရတာဖြစ်ပါတယ်။
ဒီနောက် ဒီဇင်ဘာ ၂၉ ရက်မှာ ငြိမ်းစုစီဥပဒေပုဒ်မ နဲ့ ထောင်ဒဏ် ၁ လ၊ နိုင်ငံတော် အကြည်ညိုပျက်စေမှု ၅၀၅ (ခ) အတွက် ထောင် ၂ နှစ် စုစုပေါင်း အလုပ်ကြမ်းနဲ့ထောင်ဒဏ် ၂ နှစ်နဲ့ ၁ လကို စစ်ကောင်စီ ထောင်တွင်းတရားရုံးက အမိန့်ချမှတ်ခဲ့ပါတယ်။
အင်းစိန်အကျဉ်းထောင်ထဲမှာ အကျဉ်းကျခံနေရစဉ်မှာလည်း ကိုဝေယံဖြိုးမိုးကို ထောင်အာဏာပိုင် အဆောင်မှူးအပါအဝင် အကျဉ်းသားတချို့က နှိပ်စက်ရိုက်နှက်ခဲ့လို့ နံရိုးကျိုးသွားခဲ့ပြီး ပြင်းထန် ဒဏ်ရရှိခဲ့ပါတယ်။
