ကစားသမားဘဝကနေ အနားယူဖို့ စဉ်းစားနေကြောင်း မန်ယူနောက်ခံလူဟောင်း ဘရန်ဒမ်ဝီလီယံ က ပြောသွားပါတယ်။
အသက် ၂၄ နှစ်ပဲရှိသေးတဲ့ အင်္ဂလန် ညာနောက်ခံလူဟာ မန်ယူအသင်း အကယ်ဒမီကနေ ထွက်ပေါ်လာတဲ့ ကစားသမားတယောက်ဖြစ်ပြီး နည်းပြဆိုးလ်ရှားလက်ထက်မှာ ပွဲထွက်ခွင့် ရရှိခဲ့သူပါ။
ပြီးခဲ့တဲ့ရာသီက အစ်ဆွစ်အသင်းမှာ အငှားထွက်ကစားခဲ့ပြီး မန်ယူအသင်းက ထွက်ခွါခွင့်ပြုခဲ့ပြီး လက်ရှိအချိန်အထိ အသင်းလက်မဲ့ ဖြစ်နေတာပါ။
ပြီးခဲ့တဲ့တပတ်က ကီလိုကျော်ပြီး ကားမောင်းမှုကြောင့် စစ်ဆေးခံနေရပြီး ၂ နှစ်အထိ ထောင်ဒဏ်ကျခံရမယ့်အရေး ရင်ဆိုင်နေရတာပါ။
လက်ရှိအခြေအနေတွေကြောင့် အခုနှစ်ရာသီမှာ ဘောလုံးကစားခြင်းကနေ ခေတ္တ အနားယူထားပြီး အပြီးတိုင်အနားယူဖို့အထိတောင် စဉ်းစားနေကြောင်း ဂိုးသမားဟောင်း ဘင်ဖော်စတာနဲ့ အင်တာဗျူးတခုမှာ ဘရန်ဒမ်ဝီလီယံက ပြောခဲ့တာပါ။
အမေရိက အပါအဝင် တခြားကလပ်တွေရဲ့ ကမ်းလှမ်းမှုတွေ ရှိပေမဲ့ ဆုံးဖြတ်ချက် မချရသေးကြောင်း ဝီလီယံက ပြောသွားပါတယ်။
