အင်တာမိုင်ယာမီတိုက်စစ်မှူး မက်ဆီဟာ ဒဏ်ရာကနေ ပြန်လည်ကောင်းမွန်လာပြီး ပထမဆုံး ပွဲစဉ်မှာပဲ ဂိုးသွင်းယူနိုင်ခဲ့ပါတယ်။
မက်ဆီဟာ ဖီလာဒဲလ်ဖီးယားနဲ့ မေဂျာလိဂ်ပွဲစဉ်မှာ အရန်ခုံမှာပဲ ပါဝင်လာခဲ့ပေမဲ့ ဒုတိယပိုင်းမှာ လူစားဝင်ကစားပြီး အနိုင်ဂိုးတဂိုး သွင်းယူခဲ့တာပါ။
အာဂျင်တီးနား တိုက်စစ်မှူးဟာ ပေါင်ခြံဒဏ်ရာကြောင့် အသင်းရဲ့ ကမ္ဘာ့ဖလားပွဲစဉ် ၂ ပွဲကို လွဲချော်ခဲ့သူပါ။
မက်ဆီရဲ့ ဒဏ်ရာအခြေအနေ အကောင်းကြီးမဟုတ်သေးလို့ စွန့်စားပြီး ပွဲထွက်ကစားစေဦးမှာ မဟုတ်ဘဲ မိနစ်အနည်းငယ်ပဲ ကစားစေချင်တာကြောင့် လူစားဝင်ကစားစေခဲ့တာဖြစ်ကြောင်း မိုင်ယာမီနည်းပြ မာရှေယာနိုက ပြောပါတယ်။
မက်ဆီက သမိုင်းတလျှောက် အခမ်းနားဆုံးကစားသမားဖြစ်ပြီး သူ့လိုကစားသမား နောက်ထပ်ရှိလာဖို့ မဖြစ်နိုင်တော့ကြောင်း၊ တိုက်စစ်မှူးနေရာနဲ့ ကွင်းလယ်နေရာတွေ ကစားခဲ့သလို ခံစစ်ပိုင်းမှာ ကစားခိုင်းမယ်ဆိုရင်လည်း အကောင်းဆုံးခံစစ်မှူး ဖြစ်လာမယ်လို့ မာရှေယာနိုက ပြောသွားပါတယ်။
Source : Reuters
