
အင်အားပြင်း ငလျင်လှုပ်ခတ်ပြီး ၄၃ နာရီအကြာ မတ် ၃၀ရက် နေ့လယ်ပိုင်းအထိ DVB က ကောက်ယူရရှိထားတဲ့ စာရင်းအရ မြန်မာနိုင်ငံအနှံ့မှာ သေဆုံးသူ ၂,၀၂၈ ယောက် အထိရှိလာပြီ ဖြစ်ပါတယ်။
မန္တလေးမြို့အပါအဝင် မန္တလေးတိုင်းမှာ သေဆုံးသူ ၁,၂၅၉ ယောက်၊ နေပြည်တော်ကောင်စီ နယ်မြေမှာ ၃၇၆ ယောက်၊ ရှမ်းပြည်တောင်ပိုင်းမှာ ၇၉ ယောက်၊ စစ်ကိုင်းမြို့အပါအဝင် စစ်ကိုင်းတိုင်းမှာ ၂၉၃ ယောက်၊ ပဲခူးတိုင်းမှာ ၂၁ ယောက်ရှိလာပြီ ဖြစ်ပါတယ်။
ငလျင်ဒဏ်သင့်ဒေသတွေမှာ ရှာဖွေကယ်ဆယ်တာတွေ လုပ်ဆောင်နေပေမဲ့ အပျက်အစီးနဲ့ ကယ်ဆယ်ရေးအင်အားမမျှဘူးလို့ မြေပြင်ကယ်ဆယ်ရေးသမားတွေကဆိုပြီး ပိတ်မိနေသူ အများအပြား ရှိနေသေးသလို သေဆုံးသူတွေကိုလည်း မဖော်နိုင်သေးလို့ စာရင်းတွေဟာ ဒါထက်ပိုနိုင်ပါတယ်။
စစ်ကောင်စီကတော့ မတ် ၂၉ ရက်ည ၈ နာရီအထိ သေဆုံးခဲ့ရသူ စုစုပေါင်း ၁၆၄၄ ယောက်၊ ဒဏ်ရာရရှိသူစုစုပေါင်း ၂၄၀၈ ယောက်နဲ့ ပျောက်ဆုံးနေသူ ၁၃၉ ယောက်ရှိကြောင်း ထုတ်ပြန်ကြေညာထားပါတယ်။