တရုတ်ပြည်သူ့လွတ်မြောက်ရေးတပ်မတော် (PLA) လေတပ်က ပါးယီ လေယာဉ်ကျွမ်းဘား အလှပျံသန်းတဲ့ အဖွဲ့ဟာ J-10 လေယာဉ် ၆ စီးနဲ့ ပျံသန်းပြသတဲ့ပွဲကို  မတ်လ ၇ ရက်က  ထိုင်းနိုင်ငံ ဒွန်မောင်းအပြည်ပြည်ဆိုင်ရာလေဆိပ်မှာပြုလုပ်ပြီး  အစွမ်းပြခဲ့ပါတယ်။

တရုတ်-ထိုင်း သံတမန်ဆက်ဆံရေး ထူထောင်ခြင်း နှစ် ၅၀ ပြည့်နဲ့ ထိုင်းတော်ဝင်လေတပ် (RTAF) နှစ် ၅၀ ပြည့် အထိမ်းအမှတ်အဖြစ် အစွမ်းပြခဲ့တာပါ။

ထိုင်းဘုရင်နဲ့ မိဖုရားတို့လည်း လေကြောင်းပြပွဲကို တက်ရောက်ခဲ့ပြီး ပါးယီ လေယာဉ်ကျွမ်းဘားအဖွဲ့က အဖွဲ့ဝင်တွေနဲ့တွေ့ဆုံခဲ့ပါတယ်။

ပျံသန်းပြသမှုအတွင်း လေယာဉ် ၆ စင်းက လေယာဉ်မှူးတွေဟာ ဝေဟင်စတန့်ပေါင်း ၂၀ ကျော်ကို ဖျော်ဖြေ ပျံသန်းခဲ့ပြီး ထိုင်း ပရိသတ်တွေ သဘောကျခဲ့ကြပါတယ်။

လေယာဉ်ကနေ အနီရောင်၊ အဖြူ၊ အပြာနဲ့ ရွှေရောင် မီးခိုးရောင် လမ်းကြောင်းတွေကို ကောင်းကင်ယံမှာ သရုပ်ဖော်ပြခဲ့ပြီး ဒီအရောင်တွေဟာ ထိုင်းအလံရဲ့ ​​အစိတ်အပိုင်းတွေကို ကိုယ်စားပြုရုံသာမက တရုတ်နဲ့ ထိုင်း နှစ်နိုင်ငံ ရွှေချစ်ကြည်ရေး နှစ် ၅၀ ပြည့် အထိမ်းအမှတ်ကိုလည်း ကိုယ်စားပြုထားပါတယ်။

ပါးယီ လေယာဉ်ကျွမ်းဘား အဖွဲ့ဝင် ဝမ်ရွှေဆောင်းက"ကျနော်တို့ရဲ့ ဖျော်ဖြေတင်ဆက်မှုကနေ တဆင့် တရုတ်လူမျိုးတွေရဲ့ လှိုက်လှဲတဲ့ နှုတ်ခွန်းဆက်စကားတွေကို ထိုင်းနဲ့ တခြားနိုင်ငံတွေက ပရိသတ်တွေဆီ ကမ်းလှမ်းဖို့နဲ့ လူတွေက တရုတ်ယဉ်ကျေးမှုကို ခံစားပြီး တရုတ်လေတပ်ရဲ့ စိတ်ဓာတ်ကို တန်ဖိုးထားလာစေဖို့ မျှော်လင့်ပါတယ်"လို့  ပြောပါတယ်။

လွန်ခဲ့တဲ့ နှစ်ပေါင်း ၆၀ ကျော်က တည်ထောင်ခဲ့တဲ့ ဒီအဖွဲ့ဟာ နိုင်ငံနဲ့ ဒေသပေါင်း  ၁၇၀ ကျော်မှာ စွမ်းရည်ပြပွဲ  ၇၀၀  ကျော်ကို ပြသခဲ့ပါတယ်။

Photo: Reuters