ဘောလ်တစ်နဲ့ နောဒစ်ဒေသ ခေါင်းဆောင်တွေဟာ သြဂုတ် ၂၃ ရက်မှာ ကျင်းပတဲ့ ယူကရိန်းနိုင်ငံရဲ့ အလံနေ့ အခမ်းအနားမှာ ယူကရိန်းသမ္မတ ဇလန်းစကီးနဲ့ ပူးပေါင်းပါဝင် ဆက်နွှဲခဲ့ပါတယ်။

အခမ်းအနားကို ကိယက်ဗ်မြို့တော်က မိခင်မြေအထိမ်းအမှတ် အဆောက်အအုံနားမှာ ကျင်းပခဲ့တာပါ။

နော်ဝေဝန်ကြီးချုပ် ယိုးနပ်စ်ဂါးစတိုယယ်က သူ့နိုင်ငံဟာ ၂၀၂၇ ခုနှစ်မှာ ယူကရိန်းအတွက် စစ်ရေး၊ လူသားချင်းစာနာထောက်ထားမှုနဲ့ ငွေကြေးထောက်ပံ့မှုကို အမေရိကန်ဒေါ်လာ ၉ ဘီလီယံလောက် အကုန်ခံ ထိန်းသိမ်းထားမယ်လို့ ပြောပါတယ်။

ဖင်လန်သမ္မတ အလက်ဇန္ဒား စတပ်ဘ်က ယူကရိန်းဟာ ဒီမိုကရေစီတန်ဖိုးတွေကို ကာကွယ်ခဲ့ပြီး ဥရောပရဲ့ အခိုင်မာဆုံး လုံခြုံရေးအာမခံချက်အဖြစ် ဆက်ရှိနေတယ်လို့ ပြောပါတယ်။

ဘောလ်တစ်-နောဒစ် ထိပ်သီးအစည်းအဝေးအပြီး သတင်းစာရှင်းလင်းပွဲမှာတော့ ဇလန်းစကီးက သူ့နိုင်ငံဟာ နော့ဒ်စထရင်း ဓာတ်ငွေ့ပိုက်လိုင်းတွေကို ဖောက်ခွဲရာမှာ ဘယ်အခန်းကဏ္ဍကမှ မပါဝင်ခဲ့ဘဲ ဒီကိစ္စနဲ့ပတ်သက်တဲ့ စုံစမ်းစစ်ဆေးမှုမှာ ပူးပေါင်းဆောင်ရွက်နေတယ်လို့ ပြောပါတယ်။

၂၀၂၂ ခုနှစ် စက်တင်ဘာလမှာ ရုရှားနဲ့ ဂျာမနီနိုင်ငံကြားက နော့ဒ်စထရင်းမ် ဝမ်းနဲ့ တူး သဘာဝဓာတ်ငွေ့ပိုက်လိုင်းတွေ ပေါက်ကွဲ ပျက်စီးခဲ့ပြီး ယူကရိန်းသံသယရှိသူ ၂ ယောက်ကို ပါဝင်ပတ်သက်မှု သံသယနဲ့ လက်ရှိမှာ ဖမ်းဆီးထားပါတယ်။

Source: Reuters