တရုတ်ကာကွယ်ရေးဝန်ကြီး တုံးကျန်းဟာ အဂတိလိုက်စားမှု တိုက်ဖျက်ရေး စုံစမ်းစစ်ဆေးမှုရဲ့ တစိတ်တပိုင်းအဖြစ် စုံစမ်းစစ်ဆေးခံနေရတယ်လို့ Financial Times (FT) သတင်းဌာနက နိုဝင်ဘာ ၂၇ ရက်မှာ ဖော်ပြပါတယ်။
တုံးကျန်းဟာ အကျင့်ပျက်ခြစားမှု စွပ်စွဲချက်တွေအတွက် ဆက်တိုက် စုံစမ်းစစ်ဆေးခံရတဲ့ တာဝန်ထမ်းဆောင်နေဆဲနဲ့ အငြိမ်းစား ကာကွယ်ရေးဝန်ကြီးတွေထဲမှာ တတိယမြောက်လူ ဖြစ်တယ်လို့ Financial Times က လက်ရှိနဲ့ လက်ဟောင်း အမေရိကန်အရာရှိတွေကို ကိုးကား ရေးသားထားပါတယ်။
တရုတ်စစ်တပ်ဟာ မနှစ်ကတည်းက အကျင့်ပျက်ခြစားမှု တိုက်ဖျက်ရေးကို အရှိန်အဟုန် ပြင်းပြင်း ဖယ်ရှားခဲ့ပြီး ဒီနေ့အထိ တရုတ်ပြည်သူ့လွတ်မြောက်ရေးတပ်မတော် (PLA) ဗိုလ်ချုပ် ၉ ယောက်နဲ့ ကာကွယ်ရေးလုပ်ငန်းဆိုင်ရာ အမှုဆောင်အရာရှိတချို့ကို အမျိုးသားဥပဒေပြုအဖွဲ့ကနေ ဖယ်ရှားခဲ့ပါတယ်။
PLA ရေတပ်ဦးစီးချုပ်ဟောင်း တုံးကျန်းဟာ ၂၀၂၃ ခုနှစ် ဒီဇင်ဘာလမှာ ကာကွယ်ရေးဝန်ကြီးအဖြစ် ခန့်အပ်ခံခဲ့ရသူပါ။
သူ့ရှေ့က တာဝန်ထမ်းဆောင်ခဲ့သူ ဝန်ကြီး လီရှန်းဖှူဟာလည်း ၇ လကြာ တာဝန်ထမ်းဆောင်ပြီးတဲ့နောက် ရာထူးကနေ ဖယ်ရှားခံခဲ့ရပါတယ်။
Source : Reuters
