အနာဂတ်မှာ မန်ယူအသင်းနည်းပြချုပ် ဖြစ်ချင်ကြောင်း နည်းပြနစ္စတယ်ရွိုင်းက ဝန်ခံပြောသွား ပါတယ်။

ဟော်လန်တိုက်စစ်မှူးဟာ လက်ရှိအချိန်မှာ နည်းပြချုပ် အာမိုရင်  ရောက်မလာခင်မှာ ယာယီနည်းပြချုပ် တာဝန်ယူထားတာပါ။

တချိန်မှာ မန်ယူအသင်းနည်းပြချုပ် ဖြစ်ချင်သလားဆိုတဲ့မေးခွန်းအပေါ် နည်းပြနစ္စတယ်ရွိုင်းက လက်ခံသဘောတူခဲ့ပြီး လက်ထောက်နည်းပြတာဝန်နဲ့ အသင်းဆီရောက်လာကတည်းက တချိန်မှာ နည်းပြချုပ်တာဝန်ယူချင်တဲ့ ဆန္ဒရှိခဲ့ကြောင်း နစ္စတယ်ရွိုင်းကပြောပါတယ်။

ဒါပေမဲ့ လက်ထောက်နည်းပြတယောက်အနေနဲ့ အသင်းရဲ့ခရီးလမ်းမှာ တစိတ်တပိုင်းပါဝင် ခွင့်ရတာကိုလည်း ဂုဏ်ယူကျေနပ်ကြောင်း နည်းပြနစ္စတယ်ရွိုင်းက ပြောသွားပါတယ်။ 

Photo: Reuters