Wednesday ရုပ်သံစီးရီး၊ The Nightmare Before Christmas ရုပ်ရှင် စတဲ့ ဇာတ်ကားတွေနဲ့ နာမည်ကျော်တဲ့ အမေရိကန်ဒါရိုက်တာ တင်မ်ဘာတန်ရဲ့ ရုပ်ရှင်အိုင်ဒီယာတွေ၊ အနုပညာ လက်ရာတွေကို လန်ဒန်မှာ အောက်တိုဘာ ၂၅ ရက်က စတင်ပြသသွားမှာ ဖြစ်ပါတယ်။
“Edward Scissorhands” နဲ့ “Wednesday” ဇာတ်လမ်းထဲက ဝတ်စုံတွေ၊ “Beetlejuice” နဲ့ “Corpse Bride” ခဲခြစ်ကောက်ကြောင်း အပါအဝင် ဘာတန်ရဲ့ ငယ်ဘဝတုန်းက ရေးခဲ့တဲ့ ပုံကားချပ်တွေကနေ နောက်ဆုံးထုတ်ဇာတ်လမ်းတွေထဲက ပစ္စည်းတွေအထိ ပြသမှာ ဖြစ်ပါတယ်။
“တင်မ်ဘာတန်ရဲ့ ကမ္ဘာ” လို့ နာမည်ပေးထားတဲ့ ပြပွဲကို လန်ဒန်ဒီဇိုင်းပြတိုက်မှာ ခင်းကျင်းပြသသွားမှာ ဖြစ်ပါတယ်။
ဒီပြပွဲမှာ ဘာတန်ရဲ့ ဘဝတလျှောက် ရေးဆွဲခဲ့တဲ့ မူရင်းပုံကြမ်းတွေအပြင် သူနဲ့ ရေရှည်လက်တွဲခဲ့တဲ့ ဝတ်စုံဒီဇိုင်နာတွေရဲ့ ဒီဇိုင်းတွေကိုပါ မြင်တွေ့ခွင့်ရမှာ ဖြစ်ပါတယ်။
လန်ဒန်က ဒီဇိုင်းပြတိုက်မှာတော့ ၂၀၂၅ ခုနှစ် ဧပြီ ၂၁ ရက်အထိ ပြသထားမှာဖြစ်ပါတယ်။
Source-Reuters
