ပြင်သစ်အသင်းခေါင်းဆောင် အမ်ဘာပေကို နိုက်ကလပ်တခုမှာ တွေ့ရတဲ့အပေါ် နည်းပြ ဒေ့ရွှန့်စ်က ဖြေရှင်းသွားပါတယ်။

အမ်ဘာပေဟာ ရီးရဲလ်မက်ဒရစ်ရဲ့ နောက်ဆုံးပွဲစဉ်ကို လွဲချော်ခဲ့ပြီးနောက် ပြင်သစ်အသင်းနဲ့ ပူးပေါင်းနိုင်ခြင်း မရှိခဲ့တာပါ။

ဒါပေမဲ့ ဆွီဒင်နိုက်ကလပ် တခုမှာ အမ်ဘာပေကို တွေ့မြင်ခဲ့ရပြီးနောက် အမ်ဘာပေအပေါ် ဝေဖန်မှုတွေ ရှိလာခဲ့တာပါ။

နည်းပြဒေ့ရွှန့်စ်ကတော့ အသင်းလူစာရင်းမှာ မပါဝင်တဲ့ ကစားသမားတယောက်ရဲ့ သတင်းအပေါ် လိုက်ပြီးခံစားနေမှာ မဟုတ်ဘဲ အသင်းရှိ ကစားသမားတွေရဲ့ အခြေအနေကိုပဲ အာရုံစိုက်ထားကြောင်း၊ နားရက်တရက် ရရှိထားတဲ့ ကစားသမားတယောက် အနေနဲ့ သူ လုပ်ချင်တာ လုပ်ပိုင်ခွင့်ရှိကြောင်း ပြောပါတယ်။

ပြင်သစ်အသင်းဟာ အောက်တိုဘာ ၁၁ ရက်က ကစားခဲ့တဲ့ အစ္စရေးနဲ့ပွဲမှာ ၄ ဂိုး ၁ ဂိုးနဲ့ အနိုင်ရခဲ့ ပြီး အောက်တိုဘာ ၁၅ ရက်မှာ ဘယ်လ်ဂျီယံနဲ့ ဆက်လက်ယှဉ်ပြိုင်သွားရမှာ ဖြစ်ပါတယ်။