ဘိုးရင်းကုမ္ပဏီဟာ အလုပ်နေရာ ၁၇၀၀၀ ကို ထုတ်ပယ်ဖွယ်ရှိပါတယ်။ လေယာဉ်တွေ ထုတ်လုပ်တဲ့ ဘိုးရင်းကုမ္ပဏီဟာ 777X ဂျက်လေယာဉ်ပေးပို့နိုင်ဖို့ ၁ နှစ်နောက်ကျနေပြီး တတိယ ၃ လပတ်မှာ စံချိန်တင်အရှုံးဖြစ်တဲ့ ဒေါ်လာ ၅ ဘီလီယံရှုံးနိမ့်ထားကာ လက်ရှိအချိန်မှာ အလုပ်သမားတွေရဲ့ ကာလရှည် သပိတ်မှောက်မှုတွေနဲ့ ရင်ဆိုင်နေရပါတယ်။
ဘိုးရင်းစီအီးအို ကယ်လီအော့ဘတ်က ဘိုးရင်းဟာ သောကြာနေ့က အလုပ်နေရာ ၁၇၀၀၀ ကို လျှော့ချမယ်လို့ မက်ဆေ့ကတစ်ဆင့် ပြောဆိုခဲ့တာ ဖြစ်ပါတဘ်။
အနောက်ကမ်းခြေမှာရှိတဲ့ အလုပ်သမား ၃၃၀၀၀ ဟာ ဂျက်လေယာဉ် ၃ စင်းထုတ်လုပ်နေမှုကို ရပ်တန့်ခဲ့ပြီး ဆန္ဒပြမှုတွေ ပြုလုပ်နေတဲ့နောက်ပိုင်း စီအီးအိုက အခုလို ပြောဆိုခဲ့တာလည်း ဖြစ်ပါတယ်။
“ကျတော်တို့ရဲ့ အလုပ်အဆင့်တွေကို ငွေကြေးနဲ့ပြန်ပြီး ချိန်ညှိဖို့ လိုပါတယ်။ လာမယ့် လ အနည်းငယ်မှာ အလုပ်သမား ၁၀ ရာခိုင်နှုန်းလောက် လျှော့ချမှာပါ။ အဲဒီလျှော့ချမှုတွေထဲမှာ အမှုဆောင်တွေ၊ မန်နေဂျာတွေ၊ အလုပ်သမားတွေ ပါဝင်ပါတယ်” လို့ အော့ဘတ်က မက်ဆေ့မှာ ဖော်ပြထားပါတယ်။
ဘိုးရင်းဟာ ဈေးကွက်ကုန်သွယ်မှုမှာ ရှယ်ယာ ၂ ဒသမ ၁၂ ရာခိုင်နှုန်း ကျဆင်းခဲ့ပြီး အလုပ်သမား တွေ ရဲ့ သပိတ်မှောက် ဆန့်ကျင်မှုတွေနဲ့ ရင်ဆိုင်နေရပါတယ်။
ဘိုးရင်းဟာ အောက်တိုဘာ ၂၃ မှာ တတိယ ၃ လပတ် ဝင်ငွေကို ကြေညာမှာဖြစ်ပြီး ဘဏ္ဍာငွေ ၁၇ ဒသမ ၈ ဘီလီယံရမယ်လို့ ခန့်မှန်းထားပါတယ်။
ဘိုးရင်းရဲ့ ရှယ်ယာတွေကလည်း ရှယ်ယာ ၁ ခုကို ၉ ဒသမ ၉၇ ရာခိုင်နှုန်း ကျဆင်းခဲ့ပါတယ်။
အော့ဘတ်ဟာ ဩဂုတ်လက ဘိုးရင်းစီအီးအို ဖြစ်လာခဲ့ပြီး သမဂ္ဂနဲ့ အလုပ်သမားတွေအကြား ဆက်ဆံရေးကို ပြန်လည်တည်ဆောက်ပေးမယ်လို့ ကတိပြုထားပါတယ်။
သပိတ်မှောက်မှုတွေ အလုပ်သမားထုတ်ပယ်မှု သတင်းတွေကြောင့် ဘိုးရင်းက ထုတ်လုပ်တဲ့ လေယာဉ်တွေရဲ့ အရည်အသွေးနဲ့ပတ်သက်ပြီး စိုးရိမ်စရာပိုကောင်းလာတယ်လို့ သတင်းတွေက ဖော်ပြပါတယ်။
Source/ Photo: Reuters
