၂၀၂၅ - ၂၀၂၆ ပညာသင်နှစ်အတွက် စစ်အာဏာရှင်လက်အောက်ခံ အ​ခြေခံပညာကျောင်းတွေရဲ့ အောင်စာရင်းတွေကို ​မေ ၁၄ ရက်​ ဒီနေ့မနက်က နိုင်ငံတဝန်းရှိ သက်ဆိုင်ရာ ကျောင်းတွေမှာ ထုတ်ပြန်ကြေညာလိုက်ပါတယ်။

မြန်မာနိုင်ငံလုံးအတိုင်းအတာနဲ့ အ​ခြေခံပညာ​ကျောင်းတွေ၊ ဘုန်း​တော်ကြီးသင်ပညာ​ရေး​ ကျောင်းတွေနဲ့ ပုဂ္ဂလိက ကိုယ်ပိုင်​ကျောင်းတွေမှာ ၂၀၂၅ - ၂၀၂၆ ပညာသင်နှစ်အတွက် ကျောင်းသား​ကျောင်းသူဦး​ရေ ၆,၁၁၉,၂၆၀  ယောက် တက်​ရောက်ခဲ့တယ်လို့  စစ်အာဏာရှင်လက်​အောက်ခံ ပညာ​ရေးဝန်ကြီးဌာနက ထုတ်ပြန်ထားပါတယ်။

အ​ခြေခံပညာသူငယ်တန်းကနေ ၁၁ တန်းအထိပညာ​ရေးစနစ်ဟာ အကျမရှိ အ​အောင်​ပေးတဲ့ စနစ်ဖြစ်​ပေမဲ့ ပြီးခဲ့တဲ့ ၂၀၂၄ - ၂၀၂၅ ပညာသင်နှစ်မှာ  ကျောင်းသား၊  ကျောင်းသူဦး​ရေ ၆,၄၁၄,၇၉၉ ဦးတက်​ရောက်ခဲ့ကြပြီး အခုနှစ်မှာ​တော့ တက်​ရောက်သူ​ကျောင်းသားဦး​ရေဟာ ၄ ဒသမ ၆ ရာခိုင်နှုန်းအထိ ကျဆင်းသွားတာဖြစ်ပါတယ်။