တောင်ကိုရီးယား ထိပ်တန်းတရားရုံးက ရာသီဥတုပြောင်းလဲမှုကို တိုက်ဖျက်ဖို့ နိုင်ငံရဲ့ အစီအမံတွေက နိုင်ငံသားတွေရဲ့ အခွင့်အရေးတွေကို အကာအကွယ်ပေးဖို့ မလုံလောက်ဘူးလို့ ဩဂုတ် ၂၉ ရက်မှာ ဆုံးဖြတ်ခဲ့ပါတယ်။

လာမယ့် ၂၀၃၁ ခုနှစ်နဲ့ နောက်ပိုင်းတွေအတွက် ကာဗွန်လျှော့ချရေးပစ်မှတ်တွေကို အစိုးရက ခိုင်ခိုင်မာမာ သတ်မှတ်ဖို့ကိုလည်း အမိန့်ပေးခဲ့ပါတယ်။

ဒါဟာ အာရှမှာ ပထမဆုံးသော ရာသီဥတုဆိုင်ရာ တရားစီရင်မှုဖြစ်လာပါတယ်။ ၂၀၂၀ ပြည့်နှစ် ကစပြီး ဖွဲ့စည်းပုံအခြေခံဥပဒေဆိုင်ရာတရားရုံးက အစိုးရရဲ့ ဖန်လုံအိမ်ဓာတ်ငွေ့လျှော့ချရေး ပစ်မှတ်နဲ့ အကောင်အထည်ဖော်မှုအစီအစဉ်တွေရဲ့ တစိတ်တပိုင်းအဖြစ် တိုင်ကြားချက်ပေါင်း  ၂၅၀ ကျော်ထဲက တိုင်ကြားချက်အများအပြားကို ပြန်လည်သုံးသပ်နေပါတယ်။

ဖွဲ့စည်းပုံအခြေခံဥပဒေနဲ့ မညီပဲ အထူးသဖြင့် နောင်လာနောက်သားတွေရဲ့ နိုင်ငံသားအခွင့်အရေးတွေကို အကာအကွယ် ပေးဖို့လည်း အလွန်အားနည်းနေပါတယ်။ 

၂၀၁၀ ပြည့်နှစ်မှာ စတင်ပြဋ္ဌာန်းခဲ့တဲ့ တောင်ကိုရီးယားရဲ့ ကာဗွန်ကြားနေအက်ဥပဒေဟာ ၂၀၃၀ ပြည့်နှစ်မှာ ကာဗွန် ထုတ်လွှတ်မှု အနည်းဆုံး ၃၅ ရာခိုင်နှုန်း လျှော့ချဖို့ ရည်မှန်းချက်ထားဖို့ လိုအပ်ပါတယ်။ 

ဥပဒေအရ အစိုးရက ကာဗွန်ထုတ်လွှတ်မှု ၄၀ ရာခိုင်နှုန်း လျှော့ချဖို့ ရည်မှန်းချက် ချမှတ်ထားပါတယ်။

ရာသီဥတု ဖောက်ပြန်မှုရဲ့ သက်ရောက်မှုကို စီမံခန့်ခွဲဖို့ လုံလောက်မှု မရှိဘူးလို့ ရှေ့နေတွေက စောဒကတက်ခဲ့ပါတယ်။

တရားလိုတွေနဲ့ သူတို့ရဲ့ ရှေ့နေတွေက ဒီစီရင်ချက်ကို “သမိုင်းဝင် ဆုံးဖြတ်ချက်”အဖြစ် ချီးကျူးခဲ့ကြပါတယ်။

Source-Reuters