အသင်းဆီတကျော့ပြန် ရောက်ရှိလာတဲ့ ကွင်းလယ်လူ ဂွမ်ဒိုဂမ်ကို မန်စီးတီးအသင်းက တနှစ် စာချုပ် ချုပ်ဆိုသွားမယ်လို့သိရပါတယ်။

ဂွမ်ဒိုဂမ်ဟာ ဘာစီလိုနာအသင်းမှာတရာသီကစားပြီးနောက် အဆင်မပြေဖြစ်ခဲ့တာကြောင့် အသင်းဟောင်းဆီ ပြန်လည်ပြောင်းရွှေ့ဖို့ဆုံးဖြတ်ခဲ့တာပါ။

တနှစ်စာချုပ်အပြင် နောက်ထပ်တနှစ်သက်တမ်းတိုးခွင့်လည်း ထည့်သွင်းချုပ်ဆိုမယ်လို့သိရ ပါတယ်။

ဂျာမန်ကွင်းလယ်ကစားသမားဟာ သြဂုတ် ၂၁ ရက်က မန်စီးတီးအသင်းဆီရောက်ရှိလာခဲ့ပြီး နည်းပြ ဂွါဒီယိုလာအပါအဝင် အသင်းစီးအီးအိုတို့နဲ့  ဆွေးနွေးခဲ့သလို အသင်းပရိသတ်တွေနဲ့လည်း ဓာတ်ပုံအတူရိုက်ခဲ့ပါသေးတယ်။

ဂွမ်ဒိုဂမ်ဟာ မန်စီးတီးနဲ့အတူ ၈ နှစ်ကြာကစားခဲ့ပြီး စုစုပေါင်း ၃၀၄ ပွဲ ကစားပေးခဲ့ပြီး အောင်မြင်မှုတွေလည်း  ရယူနိုင်ခဲ့ပါတယ်။

Photo-Reuters