အီရန်နိုင်ငံက အီမာမ်ခိုမေနီ အပြည်ပြည်ဆိုင်ရာလေဆိပ်ဟာ ရက်ပေါင်း ၅၀ ကျော် ရပ်ဆိုင်းထားပြီးတဲ့နောက် ဧပြီ ၂၅ ရက်မှာ နိုင်ငံတကာ ခရီးသည်တင် လေယာဉ်ခရီးစဉ်တွေကို ပြန်စတင်ခဲ့ပါတယ်။
လမ်းကြောင်းတွေကို အဆင့်လိုက် ပြန်ဖွင့်လိုက်တာနဲ့အမျှ ခရီးသည်တွေအတွက် အခြေအနေတွေ တဖြည်းဖြည်း ပြန်ကောင်းလာဖို့ မျှော်လင့်ကြပါတယ်။
ဆော်ဒီအာရေဗျနိုင်ငံက မဒီနာ၊ အိုမန်နိုင်ငံက မက်စ်ကတ်နဲ့ တူရကီနိုင်ငံက အစ္စတန်ဘူလ်မြို့တွေ အပါအဝင် ခရီးစဉ်တွေဟာ ပထမဆုံး ပြန်ဖွင့်တဲ့ ခရီးစဉ်တွေထဲမှာ ပါခဲ့ပါတယ်။
အမေရိကန်နဲ့ အစ္စရေးတို့က အီရန်နိုင်ငံအပေါ် တိုက်ခိုက်မှုတွေ စတင်ခဲ့ပြီးနောက်ပိုင်း ခရီးသည်တွေဟာ ပထမဆုံးအကြိမ်အဖြစ် လေကြောင်းခရီးစဉ်တွေနဲ့ ထွက်ခွာခဲ့ကြပါတယ်ေ
ဒေသတွင်းက နိုင်ငံအတော်များများမှာ အစ္စရေးနဲ့ အမေရိကန် ပစ်မှတ်တွေကို အီရန်က လက်စားချေ တိုက်ခိုက်ခဲ့ပါတယ်။
လေကြောင်းခရီးစဉ် ရပ်ဆိုင်းမှုကြောင့် တချို့က ကုန်းလမ်းခရီးတွေကို ခက်ခက်ခဲခဲ ကြိုးစားခဲ့ရပြီး သီတင်းပတ်အများကြီး ပိတ်မိနေခဲ့တယ်လို့ ပြောပါတယ်။
အမေရိကန်နဲ့ အီရန်အကြား အပစ်အခတ်ရပ်စဲရေးက မခိုင်မာဘူးလို့ ခံစားရတဲ့အကြောင်း ခရီးသည်တချို့က ပြောခဲ့ပြီး စိုးရိမ်နေကြဆဲလို့လည်း ပြောပါတယ်။
Source: Reuters
