ရိုမေးနီးယား မျိုးဆက်ကစားသမားတွေရဲ့ ခြေစွမ်းဟာ အကန့်အသတ်မရှိ ခြေစွမ်းပြနိုင်ကြောင်း နည်းပြ အက်ဒ်ဝါ့အီယိုဒါနက်စ်ကူးက ချီးကျူးသွားပါတယ်။

ရိုမေးနီးယားအသင်းဟာ ယူရိုအုပ်စု အဖွင့်ပွဲစဉ်မှာ ယူကရိန်းအသင်းကို ၃ ဂိုး ဂိုးမရှိနဲ့ အနိုင်ရခဲ့ပြီး ယူရို ၂၀၀၀ ပြည့်နှစ် ပြိုင်ပွဲမှာ အင်္ဂလန်ကို ၃ ဂိုး ၂ ဂိုးနဲ့ အနိုင်ရခဲ့ပြီးနောက် ၂၄ နှစ်အတွင်း ပထမဆုံးအကြိမ် နိုင်ပွဲပြန်လည်ရရှိခဲ့တာပါ။

လက်ရှိအသင်းဟာ ရွှေရောင်မျိုးဆက်တခုဖြစ်ပြီး ကြီးကျယ်ခမ်းနားတဲ့ စွမ်းဆောင်ရည် ပြသပြီး အနိုင်ယူခဲ့တာဖြစ်ကြောင်း၊ ရွှေရောင်မျိုးဆက်သစ် ကစားသမားတွေရဲ့ စွမ်းဆောင်ရည်ဟာ အကန့်အသတ်မရှိ ခြေစွမ်းပြနိုင်ကြောင်း နည်းပြ အီယိုဒါနက်စ်ကူးက ပြောပါတယ်။

ရိုမေးနီးယားအသင်းဟာ ခြေစစ်ပွဲအဆင့်မှာကတည်းက ရှုံးပွဲမရှိခဲ့ဘဲ အုပ်စုပထမနေရာကနေ ခြေစစ်ပွဲ အောင်မြင်လာခဲ့တာ ဖြစ်ပါတယ်။