အိန္ဒိယနိုင်ငံ မြို့တော် နယူးဒေလီက ကလေးစောင့်ရှောက်ရေးဆေးရုံမှာ မီးလောင်လို့ မွေးကင်းစကလေး ၆ ဦး သေဆုံးခဲ့တယ်လို့ ဒေသန္တရအာဏာပိုင်တွေက မေ ၂၆ ရက်မှာ ပြောလိုက်ပါတယ်။
မြို့တော်အရှေ့ဘက်ပိုင်းက ဆေးရုံမှာ မေ ၂၅ ရက် ညနက်ပိုင်းက လောင်ခဲ့တဲ့မီးကို မီးသတ်သမားတွေက ကြိုးစားငြှိမ်းသတ်နေတာကို ရုပ်မြင်သံကြား ဗီဒီယိုဖိုင်မှာ တွေ့ရပါတယ်။
နောက်ထပ်ကလေး ၆ ဦးကို ကယ်ဆယ်ပြီး တခြားဆေးရုံတခုဆီ ခေါ်သွားခဲ့တယ်လို့ မီးသတ်ဌာနက ANI သတင်းဌာနကို ပြောခဲ့ပါတယ်။
ကလေးဆေးရုံပိုင်ရှင်ကတော့ ထွက်ပြေးသွားပြီလို့ ဒေလီရဲတပ်ဖွဲ့က ပြောပါတယ်။ နိုင်ငံအနောက်ပိုင်း ဂူဂျာရတ်ပြည်နယ်က ဖျော်ဖြေရေးစင်တတခုမှာ မီးလောင်လို့ လူ ၂၇ ဦး သေဆုံးပြီး တရက်အကြာမှာ ကလေးဆေးရုံ မီးလောင်မှု ဖြစ်ခဲ့တာပါ။
ဖျော်ဖြေရေးစင်တာ မီးလောင်မှုနဲ့ ပတ်သက်ပြီး လူ ၂ ဦးကို ဖမ်းဆီးထိန်းသိမ်းထားပြီလို့ ဒေသတွင်းမီဒီယာတွေက ဖော်ပြထားပါတယ်။
Source/Photo-Reuters
