ရှက်ဖီးလ်ယူနိုက်တက်နဲ့ပွဲစဉ်မှာ နိုင်ပွဲရရှိအောင်စွမ်းဆောင်နိုင်ခဲ့တဲ့ မန်ယူအသင်းသားတွေရဲ့ စရိုက်လက္ခဏာကို ကွင်းလယ်လူ ဘရူနိုဖာနန်ဒက်စ်က ချီးကျူးလိုက်ပါတယ်။
မန်ယူအသင်းဟာ ဒီမနက်အစောပိုင်းကန်သွားတဲ့ ရှက်ဖီးလ် အသင်းနဲ့ ပရီးမီးယားလိဂ် ပွဲစဉ်မှာ ဦးဆောင်ဂိုး နှစ်ကြိမ်တိုင်တိုင်ခွင့်ပြုခဲ့ရပေမဲ့ ချေပဂိုးတွေလိုက်သွင်း ပြီး ၄ ဂိုး ၂ ဂိုးနဲ့ နိုင်ပွဲ ပြန်လည်ရယူနိုင်ခဲ့တာပါ။
မန်ယူအသင်းအတွက်ချေပဂိုးတွေကို မက်ဂွဲယားနဲ့ ဖာနန်ဒက်စ်တို့ကသွင်းယူပေးခဲ့ပြီး ဖာနန်ဒက်စ်ကပဲ အနိုင်ဂိုးနဲ့ ဟွိုက်လန်းက စတုတ္ထမြောက် အနိုင်ဂိုး ထပ်သွင်းခဲ့ တာပါ။
အသင်းသားတွေအနေနဲ့ ခက်ခဲတဲ့အခြေအနေရောက်ရှိအောင် ကိုယ့်ဘာသာ တွန်းပို့မိခဲ့ပေမဲ့ အဆုံးသတ်မှာတော့ ကောင်းမွန်တဲ့ စရိုက်လက္ခဏာတွေပြသပြီး ပြန်လာနိုင်ခဲ့တယ်လို့ ပွဲအပြီး အင်တာဗျူးမှာ ဖာနန်ဒက်စ်က ပြောပါတယ်။
ဒီပွဲမှာ အနိုင်ရရှိခဲ့တဲ့ မန်ယူအသင်းဟာ ပရီးမီးယားလိဂ်အဆင့် ၆ နေရာဆီ တက်လှမ်းနိုင်ခဲ့ပါတယ်။
Photo-Reuters
