စစ်အာဏာသိမ်းကာလ ၃ နှစ်ကျော်အကြာ မြန်မာကလေးသူငယ်ဦးရေ ၆ သန်းလောက်ဟာ လူသားချင်းစာနာထောက်ထားမှုဆိုင်ရာ အကူအညီတွေ လိုအပ်နေတယ်လို့ ကုလသမဂ္ဂ ကလေးများရန်ပုံငွေအဖွဲ့ (UNICEF)က ပြောပါတယ်။
အခုနှစ် ဖေဖော်ဝါရီလကုန်အထိ မြန်မာနိုင်ငံတဝန်း ပြည်တွင်းနေရပ်စွန့်ခွာသူဦးရေဟာ ၂ ဒသမ ၇ သန်းကျော် ရှိလာပြီဖြစ်ကာ လူပေါင်း ၁၈ ဒသမ ၆ သန်းလောက် လူသားချင်းစာမှု အကူအညီတွေ အပ်နေတာဖြစ်ပြီး ဒါဟာ ပြီးခဲ့တဲ့ ၂၀၂၁ ခုနှစ် စစ်အာဏာသိမ်းမှု မတိုင်ခင်ကထက် ၁၈ ဆ ပိုများလာတာလို့ ဆိုပါတယ်။
ကလေး ၂ ဒသမ ၁ သန်း အပါအဝင် လူဦးရေ ၃ ဒသမ ၁ သန်းကို အသက်ကယ် လူသားချင်းစာနာထောက်ထားမှုအကူအညီတွေ ပေးနိုင်ဖို့ အမေရိကန်ဒေါ်လာ ၂၀၈ ဒသမ ၃ သန်း လိုအပ်နေတယ်လို့ UNICEF က ပန်ကြားထားပါတယ်။
မြန်မာနိုင်ငံမှာတော့ စစ်တပ်အာဏာသိမ်း ကာလဟာ ၃ နှစ်ကျော်အထိ ကြာမြင့်လာခဲ့ပြီ ဖြစ်ကာ ဒီကာလတွေအတွင်း နိုင်ငံရေး မတည်ငြိမ်မှုတွေနဲ့အတူ စီးပွားရေး၊ ပညာရေး၊ ကျန်းမာရေး၊ လူမှုရေး ကဏ္ဍတွေ အသီးသီးမှာ အဘက် ဘက်က ကျဆင်းယိုယွင်း နေခဲ့တာပါ။
ဒါပေမဲ့ စစ်တပ်က အရေးပေါ်ကာလ သက်တမ်းထပ်တိုးလိုက်ပြီး ဒီအခြေအနေအပေါ် ကုလသမဂ္ဂအပါအဝင် အနောက်နိုင်ငံတွေက ပြင်းထန်စွာ စိုးရိမ်ပူပန်မိတယ်လို့ အသီးသီး ထုတ်ပြန်ထားကြပါတယ်။
