အမေရိကန်သမ္မတ ဂျိုးဘိုင်ဒင်ရဲ့ မဲဆွယ်စည်းရုံးရေးအဖွဲ့ လက်ထဲမှာ ၂၀၂၄ ခုနှစ် ရွေးကောက်ပွဲအတွက် ငွေသား ဒေါ်လာ ၁၅၅ သန်း ရရှိခဲ့ပြီး ပြိုင်ဘက် ရီပတ်ဘလစ်ကန်ပါတီရဲ့ သမ္မတလောင်း ဒေါ်နယ်ထရန့်ပ်အတွက် လက်ကျန် စုစုပေါင်းထက် ကျော်လွန်သွားခဲ့ပါတယ်။
သမ္မတဘိုင်ဒင်ဟာ ပြီးခဲ့တဲ့ ဖေဖော်ဝါရီ တလတည်းမှာ မဲဆွယ်ရန်ပုံငွေ ဒေါ်လာ ၅၃ သန်းကို စုဆောင်းနိုင်ခဲ့တာပါ။
မဲဆွယ်စည်းရုံးမှု စကတည်းက အခြေခံလူတန်းစားတွေအတွက် အပြင်းထန်ဆုံး ရန်ပုံငွေရှာတဲ့လလို့လည်း မဲဆွယ်စည်းရုံးရေး အရာရှိတွေက ပြောပါတယ်။
မတ် ၂၈ ရက်က နယူးယောက်မြို့မှာ ဘိုင်ဒင်၊ ဘားရက်အိုဘားမားနဲ့ ဘီလ်ကလင်တန်တို့အတူ ရန်ပုံငွေပွဲကို တက်ရောက်ခဲ့ပြီး ကြိုးပမ်းချက်တွေဟာ ထောက်ခံသူတွေအတွက် စမ်းသပ်ချက် ဖြစ်လာခဲ့ပါတယ်။
“နိုင်ငံတဝန်း သွားရင်းနဲ့ ကျနော်တို့ ကောက်ယူနေတဲ့ စိတ်အားထက်သန်မှုတွေက တကယ့်အစစ်အမှန်ပါပဲ” လို့ ပြီးခဲ့တဲ့အပတ်က ဝစ္စကွန်ဆင်ပြည်နယ်မှာ WNOV 860 ရေဒီယိုနဲ့ အင်တာဗျူးမှာ ဘိုင်ဒင်က ပြောခဲ့ပါတယ်။
“ကျနော်တို့က ပိုက်ဆံအများကြီး ရှာထားတယ်။ ကျနော်တို့မှာ အလှူရှင် အသစ်စက်စက် ငါးသိန်း အပါအဝင် အလှူရှင် တသန်းခွဲရှိပြီး သူတို့ဟာ အလှူရှင် သေးသေးလေးတွေပါ။ သူတို့လှူဒါန်းမှုရဲ့ ၉၇ ရာခိုင်နှုန်းက ဒေါ်လာ ၂၀၀ အောက်ဖြစ်ပါတယ်” လို့လည်း ဘိုင်ဒင်က ပြောပါတယ်။
ထရမ့်ပ်နဲ့ ဘိုင်ဒင် နှစ်ဦးစလုံးဟာ ပြီးခဲ့တဲ့အပတ်က သူတို့ရဲ့ပါတီကနေ နာမည်စာရင်း တင်သွင်းသူတွေကို လိုက်လျောညီထွေဖြစ်စေဖို့ ၂၀၂၄ မကျေပွဲတရပ်ကို ဖန်တီးခဲ့ကြပါတယ်။
Source/Photo-Reuters
