အမေရိကန်အောက်လွှတ်တော်ဟာ မတ်လအစောပိုင်းအထိ ပြည်ထောင်စုအစိုးရကို ငွေကြေးထောက်ပံ့နိုင်ပြီး အစိုးရလုပ်ငန်းတွေ တစိတ်တပိုင်း ရပ်ဆိုင်းခြင်းကနေ ရှောင်ကြဉ်နိုင်မယ့် ရန်ပုံငွေဥပဒေကြမ်းကို ဇန်နဝါရီ ၁၈ ရက်က အတည်ပြုလိုက်ပြီး နောက်ဆုံးလက်မှတ်ထိုးဖို့  သမ္မတ ဂျိုးဘိုင်ဒင်ဆီ ပေးပို့ခဲ့ပါတယ်။

ဒီဥပဒေကြမ်းကို  ထောက်ခံမဲ ၃၁၄ မဲ၊ ကန့်ကွက်မဲ ၁၀၈ မဲတို့နဲ့ အတည်ပြုခဲ့တာဖြစ်ပြီး ရီပတ်ဘလစ်ကန် ၁၀၆ ဦးနဲ့ ဒီမိုကရက်ပါတီ ၂ ဦးတို့ရဲ့ ကန့်ကွက်မှုတွေ ပါဝင်ခဲ့ပါတယ်။

ကြာသပတေးနေ့ အစောပိုင်းမှာ အထက်လွှတ်တော်က ဒီဥပဒေကြမ်းကို ထောက်ခံမဲ ၇၇ မဲ၊ ကန့်ကွက်မဲ ၁၈ မဲနဲ့ ဒီသီတင်းပတ် မကုန်ခင်မှာ အလွယ်တကူ အတည်ပြုနိုင်ခဲ့ပါတယ်။

ဒီမိုကရက်တစ် အများစုရှိတဲ့ အထက်လွှတ်တော်နဲ့ ရီပတ်ဘလစ်ကန်တွေ ထိန်းချုပ်ထားတဲ့ အောက်လွှတ်တော်တို့ဟာ အောက်တိုဘာ ၁ ရက်နေ့မှာ စတင်တဲ့ ဘဏ္ဍာနှစ်အတွက် အစိုးရရဲ့ အခြေခံတာဝန်တွေကို ထမ်းဆောင်ရာမှာ နောက်ကျကျန်နေတာဖြစ်ပြီး လွှတ်တော်ကိုယ်စားလှယ်တွေကို နှစ်ချီနေတဲ့ ဥပဒေကြမ်းကို ရှောရှောရှူရှူ အတည်ပြုပေးနိုင်ဖို့ အချိန်တွေပိုပေးထားခဲ့တာ ဖြစ်ပါတယ်။

Source/Photo-Reuters