ဘာစီလိုနာ တိုက်စစ်မှူးဟောင်း ဆွာရက်ဇ်နဲ့ မက်ဆီတို့ဟာ အင်တာမိုင်ယာမီအသင်းမှာ ပထမဆုံးအကြိမ် လေ့ကျင့်ခန်း အတူဆင်းခဲ့ပါတယ်။
ဘာစီလိုနာအသင်းမှာ အတူတွဲဖက်ကစားခဲ့ပြီး နောက်ပိုင်း ပထမဆုံးအကြိမ် အသင်းဖော်ဟောင်းနှစ်ဦးကို မြင်တွေ့ခဲ့ရတာပါ။
ဒါ့အပြင် ကွင်းလယ်လူ ဘူးစကွက်စ်၊ နောက်ခံလူ ယော်ဒီအယ်လ်ဘာတို့ကိုလည်း မက်ဆီ၊ ဆွာရက်ဇ်တို့နဲ့ အတူ လေ့ကျင့် ရေးကွင်းမှာ အတူမြင်တွေ့ခဲ့ရတာပါ။
အင်တာမိုင်ယာမီအသင်းဟာ အမေရိကန်မေဂျာလိဂ်ရာသီသစ်အတွက် ခြေစမ်းပွဲ ၇ ပွဲကစားဖို့ စီစဉ်ထားပြီး လေ့ကျင့်မှုတွေ စတင်ပြုလုပ်ခဲ့တာပါ။
လာမယ့် ဇန်နဝါရီ ၁၉ ရက်မှာ အယ်ဆာဗေဒိုလက်ရွေးစင်အသင်းနဲ့ ပထမဆုံး ခြေစမ်းပွဲကစားဖို့ရှိပါတယ်။
အဲဒီနောက် အာရှတိုက်ဆီလာရောက်မှာဖြစ်ပြီး ဆော်ဒီကလပ် နှစ်သင်းဖြစ်တဲ့ အယ်လ်ဟီလယ်၊ အယ်လ်နာဆာတို့နဲ့ ခြေစမ်းမှာပါ။
ဖေဖော်ဝါရီ ၁ ရက်မှာ အယ်လ်နာဆာနဲ့ ခြေစမ်းမှာဖြစ်ပြီး မက်ဆီ၊ ဆွာရက်ဇ်တို့က စီရော်နယ်ဒိုနဲ့ ပြိုင်ဘက်အဖြစ်ပြန်လည် ရင်ဆိုင်ကြမှာ ဖြစ်ပါတယ်။
Photo-Reuters
