မန်ချက်စတာယူနိုက်တက် ကွင်းလယ်ကစားသမား ဗန်ဒီဘိခ်ဟာ ဂျာမန်ကလပ် ဖရန့်ဖတ်ကို အငှားစာချုပ်နဲ့ ပြောင်းရွှေ့သွားပါတယ်။

အသက် ၂၆ နှစ်အရွယ် ကွင်းလယ်ကစားသမားဟာ ဒီရာသီအကုန်အထိ ဂျာမန်ကလပ်မှာ ရှိနေမှာဖြစ်ပြီး စာချုပ်ထဲမှာ အမြဲတမ်းပြောင်းရွှေ့ခွင့်ပါ ထည့်သွင်းထားပါတယ်။

ဗန်ဒီဘိခ်ဟာ ၂၀၂၀ မှာ နယ်သာလန်ကလပ် အာရတ်အသင်းကနေ ပေါင် ၃၅ သန်းနဲ့ ပြောင်းလာပြီးကတည်းက မန်ယူအသင်းအတွက် ပရီးမီးယားလိဂ် ၆ ပွဲပဲ ကစားခွင့် ရထားပါတယ်။

နယ်သာလန်ကွင်းလယ်လူဟာ ၂၀၂၂ ခုနှစ်တုန်းကလည်း အဲဗာတန်ကို တရာသီ အငှားချထားခဲ့ပေမဲ့ ဒူးဒဏ်ရာကြောင့် ရာသီဝက်လောက် အနားယူခဲ့ရပါတယ်။