အဲဗာတန်အသင်းဟာ ပရီးမီယားလိဂ်မှာ ၁၀ မှတ်ဖြတ်တောက်ခံရတဲ့ပြစ်ဒဏ်ကို အယူခံဝင်ခဲ့တယ်လို့ သောကြာနေ့မှာ ကလပ်အသင်းက ပြောကြားခဲ့ပါတယ်။
မာဆေးဆိုဒ်ကလပ်အသင်းဟာ အမြတ်အစွန်းနဲ့ ရေရှည်တည်တံမှု စည်းမျဉ်းကို ချိုးဖောက်ခဲ့တာ တွေ့ရှိခဲ့ပြီးနောက် ပြီးခဲ့တဲ့လက ချက်ချင်း အကျိုးသက်ရောက်မှုအဖြစ် အမှတ်လျော့ချခံခဲ့ရတာ ဖြစ်ပါတယ်။
အဲဗာတန်အသင်းရဲ့ ထုတ်ပြန်ချက်ထဲမှာ ကလပ်အသင်းအနေနဲ့ ပရီးမီးယားလိဂ် ကော်မရှင်ရဲ့ ၁၀ မှတ်ဖြတ်ခံထားရတဲ့ ဆုံးဖြတ်ချက်ကို တရားစီရင်ရေးအဖွဲ့ ဥက္ကဋ္ဌဆီမှာ အယူခံလျှောက်ထားခဲ့တယ်လို့ ရေးသားထားပါတယ်။
အမှုကို ကြားနာဖို့ အယူခံအဖွဲ့ကို ဖွဲ့စည်းလိုက်တယ်လို့လည်း ပြောကြားခဲ့ပါတယ်။ အဲဗာတန်အသင်းဟာ အမြတ်အစွန်းနဲ့ ရေရှည်တည်တံ့မှု စည်းမျဉ်းကို ချိုးဖောက်ကြောင်း ဝန်ခံခဲ့တယ်လို့ ဒီလအစောပိုင်းမှာ ပရီးမီးယားလိဂ်က ပြောဆိုထားပါတယ်။
ဒီပြစ်ဒဏ်ဟာ ပရီးမီးယားလိဂ်မှာ အပြင်းထန်ဆုံး ဒဏ်ခတ်မှုလည်း ဖြစ်ပါတယ်။ ဒီဆုံးဖြတ်ချက်ဟာ အဲဗာတန်အသင်းကို အဆင့် ၁၄ ကနေ တန်းဆင်းဇုန်နားထိ ရောက်ရှိစေခဲ့ပြီး လုံးဝ အချိုးအစား မမျှတဘူးလို့ ကလင်းအသင်းက တံဆိပ်ကပ်ခဲ့ပါတယ်။
Photo-Reuters
