ရခိုင်ပြည်နယ်၊ ငပလီမြို့၊ မြပြင်ရပ်ကွက်မှာရှိတဲ့ Aureum Palace ဟိုတယ်မှာ ည ၇ နာရီလောက်က မီးလောင်ခဲ့တာကြောင့် တည်းခိုဆောင်တချို့ ဆုံးရှုံးတယ်လို့ သိရပါတယ်။

ဟိုတယ်ဝန်ထမ်းတယောက်က " နှစ်ဆောင် သုံးဆောင်လောက်ပါသွားတယ်။ စတိုခန်းဘက်က ဝါယာရှော့ဖြစ်တယ်လို့လည်း ပြောကြတယ်။ ဘယ်လိုဖြစ်တယ်တော့ အတိအကျမ သိသေးပါဘူး။ ခုတော့ မီးငြိမ်းသွားပါပြီ။ တခြားအဆောင်တွေကို မီးမကူးအောင် ခေါင်မိုးတွေ ဖျက်လိုက်ရတယ်" လို့ ပြောပါတယ်။

ငပလီနဲ့သံတွဲ မီးသတ်စခန်းတို့က မီးသတ်ကား ၅ စီး၊ ၆ စီးလောက်နဲ့ လာငြှိမ်းသတ်ပြီး ၈ နာရီဝန်းကျင်လောက်မှာ မီးငြိမ်းသွားတယ်လို့လည်း သိရပါတယ်။

အဲဒီနေရာဟာ အရင်က လူရည်ချွန်စခန်းဖြစ်ပြီး ခရိုနီတယောက်ဖြစ်တဲ့ ဦးတေဇရဲ့ ထူးကုမ္ပဏီ အုပ်စုက ဟိုတယ်ဆောက်လုပ်ထားတာဖြစ်ပါတယ်။

ဓာတ်ပုံ - ဒေသခံများ