ရီးရဲလ်မက်ဒရစ်နဲ့ အပြောင်းအရွှေ့ကိစ္စအပေါ် မှတ်ချက်ပေးဖို့ အမ်ဘာပေက ငြင်းဆန်သွားပါတယ်။
ပြင်သစ်အသင်းနဲ့ ပူးပေါင်းလေ့ကျင့်နေချိန်မှာ မက်ဒရစ်နဲ့ အပြောင်းအရွှေ့ကိစ္စအပေါ် မီဒီယာတစ်ဦးက မေးမြန်းခဲ့ရာမှာ အမ်ဘာပေက ဖြေကြားဖို့ အချိန်ကောင်း မဟုတ်သေးဘူးလို့ ပြန်လည်ပြောပြသွားတာပါ။
ပြီးခဲ့တဲ့ဇွန်လကတည်းက ဆုံးဖြတ်ချက်ချခဲ့ပြီးနောက်ပိုင်းမှာ ဘာကိစ္စမှ ထပ်ပြီးပြောပြမှာ မဟုတ်ကြောင်း၊ နိုင်ငံအသင်းအတွက် အရေးပါတဲ့အချိန်မှာ အနာဂတ်ကိစ္စအပေါ် ဆွေးနွေးပြောဆိုချင်စိတ် မရှိကြောင်း အမ်ဘာပေက ပြောပါတယ်။
သူဟာ ပီအက်စ်ဂျီနဲ့ မနှစ်တုန်းက ၂၀၂၅ ခုနှစ်အထိ စာချုပ်သက်တမ်းတိုးခဲ့ပြီး နောက်ထပ် တစ်နှစ် သက်တမ်းတိုးခွင့်လည်း ရှိနေပါတယ်။
အမ်ဘာပေဟာ ရီးရဲလ်မက်ဒရစ်နဲ့ အပြောင်းအရွှေ့ နှစ်စဉ်နှစ်တိုင်း သတင်းထွက်ပေါ်ခဲ့သူ ဖြစ်ပေမဲ့ လက်ရှိအချိန်အထိ အပြောင်းအရွှေ့ မဖြစ်မြောက်သေးတာ ဖြစ်ပါတယ်။
Photo - Reuters
