ဘဏ္ဍာရေးစည်းမျဉ်းချိုးဖောက်ခဲ့တဲ့ အဲဗာတန်အသင်းဟာ ၁၄ မှတ်လျှော့ပြစ်ဒဏ်ကျခံရဖို့ ရှိနေ ပါတယ်။
လက်ရှိအချိန်မှာ လွပ်လပ်တဲ့စုံစမ်းစစ်ဆေးရေးအဖွဲ့က အဲဗာတန်အသင်းရဲ့ ဘဏ္ဍာရေးဆိုင်ရာကိစ္စတွေကို စစ်ဆေးမှုတွေ လုပ်ဆောင်နေတာပါ။
ပြစ်မှုထင်ရှားခဲ့မယ်ဆိုရင် ကြီးမားတဲ့ အရေးယူမှုခံရမှာဖြစ်ပြီး ပရီးမီးယားလိဂ် အဖွဲ့ချုပ်ဘက်ကတော့ အမှတ်လျှော့ပြစ်ဒဏ်ချမှတ်ဖို့ ထောက်ခံချက်ပေးထားကြောင်း တယ်လီဂရပ်ဖ်သတင်းမှာ ဖော်ပြပါတယ်။
နည်းပြရှောင်ဒိုက်ချ်ရဲ့ အဲဗာတန်အသင်းဟာ ပရီးမီးယားလိဂ်ပွဲစဉ် ၉ အပြီးမှာ ရမှတ် ၇ မှတ်သာ ရရှိထားပြီး အဆင့် ၁၆ နေရာ မှာရပ်တည်နေတာပါ။
အဲဗာတန်အသင်းဟာ ပိုင်ရှင် ဖာဟတ်မိုရှီရီလက်ထက်မှာ အပြောင်းအရွှေ့ ဈေးကွက်မှာ ငွေကြေး များစွာသုံးစွဲခဲ့ဖူးတာပါ။
အသင်းဘက်ကတော့ ဘဏ္ဍာရေးစည်းမျဉ်းချိုး ဖောက်မှုစွပ်စွဲချက်အပေါ် ပယ်ချထားပြီး ကိုဗစ်အကျပ်အတည်းကာလအတွင်းက ကင်းလွတ်ခွင့်တွေ ရရှိမယ်ဆိုရင် အမှုကနေ လွတ်မြောက်နိုင်တယ်လို့ ယူဆနေပါတယ်။
Photo - Reuterrs
