ပရီးမီးယားလိဂ်က ချီးမြှင့်တဲ့ တလတာအကောင်းဆုံးဆုနဲ့ နည်းပြဆုတွေကို စပါးအသင်း နည်းပြ နဲ့ ကစားသမားတွေကပဲ ထပ်မံရရှိခဲ့ပါတယ်။
စက်တင်ဘာလအတွက် အကောင်းဆုံးနည်းပြဆုကို စပါးနည်းပြ ပေါ့စတီကိုဂလူက ရရှိခဲ့သလို ကစားသမားဆုကိုလည်း ဆွန်ဟောင်မင်ကရရှိခဲ့တာပါ။
စပါးအသင်းဟာ ပြီးခဲ့တဲ့စက်တင်ဘာလအတွင်း ကစားခဲ့တဲ့ ပရီးမီးယားလိဂ်ပွဲစဉ် ၅ ပွဲမှာ အာဆင်နယ်နဲ့ပွဲမှာပဲ သရေကျခဲ့ပြီး ဘန်လေ၊ ရှက်ဖီး၊ လီဗာပူးနဲ့ လူတန်အသင်းတွေကို အနိုင်ရခဲ့တာပါ။
အဲဒီပွဲတွေမှာ ၆ ဂိုးသွင်းခဲ့တဲ့ ဆွန်ဟောင်မင်ဟာလည်း အကောင်းဆုံးရရှိခဲ့ပါတယ်။
ပြီးခဲ့တဲ့ သြဂုတ်လ အတွက် အကောင်းဆုံးဆုတွေကိုလည်း စပါးနည်းပြ ပေါ့စတီကိုဂလူနဲ့ မက်ဒီဆန်တို့က ရရှိခဲ့တာပါ။
သြစတြေးလျနည်းပြ ပေါ့စတီကိုဂလူဟာ ပထမဆုံးနှစ်လတာကာလအတွင်းမှာပဲ အကောင်းဆုံးကို နှစ်လဆက် တိုက်ရရှိခဲ့တဲ့ ပထမဆုံးနည်းပြအဖြစ်လည်း မှတ်တမ်းဝင်ခဲ့ပါတယ်။
ဒါ့အပြင် စပါးအသင်းဟာလည်း တလတာအကောင်းဆုံးဆုကို နည်းပြကော၊ ကစားသမားပါ နှစ်လဆက်တိုက် ရရှိတဲ့အသင်းအဖြစ် မှတ်တမ်းဝင်ခဲ့ပါတယ်။
Photo-Reuters
