အဇာဘိုင်ဂျန်နိုင်ငံ၊ နာဂေါနို-ကရာဘတ် ခွဲထွက်ဒေသမှာ စက်တင်ဘာ ၂၅ ရက်က လောင်စာဆီ သိုလှောင်ရုံမှာ ပေါက်ကွဲမှု ဖြစ်ပွားခဲ့လို့ လူ ၂၀ ထက်မနည်း သေဆုံးခဲ့ကြောင်း အာမေးနီးယန်း အာဏာပိုင်တွေက ပြောပါတယ်။
လူပေါင်း ၂၀၀ ကျော် ဒဏ်ရာရရှိထားကြပြီး အများစုဟာ အလွန်ပြင်းထန်တဲ့ အခြေအနေမှာ ရှိနေကြလို့ အရေးပေါ်ကုသမှုခံယူဖို့ လိုအပ်ကြောင်း နာဂေါနို-ကရာဘတ် အုပ်ချုပ်ရေးမှူး ဂဲ့ဂ်ဟမ်း စတယ်ဖန်ယန်ရဲ့ ပြောကြားချက်ကို ကိုးကားပြီး ဒေသတွင်းသတင်းတွေမှာ ရေးပါတယ်။
ဒဏ်ရာရရှိခဲ့တဲ့ လူပေါင်း ၂၉၀ ကို ဆေးရုံတင်ထားရပြီး သူတို့ထဲက ဒါဇင်နဲ့ချီတဲ့လူတွေဟာ စိုးရိမ်ရတဲ့ အခြေအနေမှာ ရှိနေပါသေးတယ်လို့လည်း ဆိုပါတယ်။
နာဂေါနို-ကရာဘတ်ရဲ့ မြို့တော်အပြင်ဘက်ရှိ လမ်းတလျှောက် ဂတ်စ်သိုလှောင်ရုံ ပေါက်ကွဲပြီးနောက် မီးလောင်မှုကြီး ဖြစ်ပွားခဲ့ကြောင်းကို အာ့ထ်ဆက်ခ် ခွဲထွက်သမ္မတနိုင်ငံက ထုတ်ပြန်တဲ့ ဓာတ်ပုံတွေမှာ ပြထားပါတယ်။
Source/Photo-Reuters
